Johan 10:24 - Tedim Bible

²⁴ Tua lai takin Judah mite in Zeisu kimkotin hong kikhawm uh a, “Bang tanvei ko hong lungkhamsak ding na hi hiam? Nang Khazih na hih leh, tangtakpi-in hong gen in,” a ci uh hi.

Tedim Bible Revision 2017

²⁴ Jew mihonte ama kiangah hong kikhawm uh a, “Thu kitel loin bang tanvei koih hong sawm na hi hiam? Khris na hih leh zong teltakin hong gen in,” ci-in a dot uh ciangin

Johan 10:24 Iomraidhean Croise

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

Mattiu 11:3

“Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Marka 8:32

Tua thu im loin a gen khin hi. Piter in Zeisu samsim a, seel ding a kipat ciangin,

Luka 3:15

Mi khempeuh in Johan in Khazih ahi kha ding hiam ci-in, lamenin a lungsim sung uh ah a lungngai uh hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 10:31

Tua ahih ciangin Judah mite in suang tawh deeng dingin suang a tawm kik uh hi.

Johan 10:33

Judah mite in, “Apha bawlna hangin suang tawh hong deeng ding ka hi kei uh hi. Nang mihing hi napi-in Pasian bangin na kibawl a, Pasian na gensiat maninah suang tawh hong deeng ding ka hi uh hi,” a ci kik uh hi.

Johan 16:25

“Tua thute thugentehna tawh kong gen zo hi. Thugentehna tawh gen loin, Pa’ thu note kiangah a tel takin kong gen nading ahun hong tung ding hi.

Johan 8:25

Tua ahih ciangin amaute in, “Nang kua na hi hiam?” ci-in a dot uh ciangin Zeisu in, “Keimah in a cil pek panin note kiangah kong gen bangin ka hi hi,

Johan 8:53

A sisa ka pa uh Abraham sangin lianzaw na hi hiam? Pasian’ kamsangte zong a si zo uh hi. Nang kua lima kibawl na hi hiam?” a ci uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

2 KORIN NIHNA 3:12

Tua bang muan’na ka nei uh ahih ciangin kote in im loin a tel takin ka hilh uh hi.