Johan 10:20 - Tedim Bible

²⁰ Amau lakah mi tampite in, “Amah dawilawm nei mihai ahi hi; ama thu bang hangin ngai na hi uh hiam?” a ci uh hi.

Tedim Bible Revision 2017

²⁰ Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Johan 10:20 Iomraidhean Croise

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Jeremiah 29:26

‘Topa in siampi Jehoiada taangin nangmah siampi-in hong koih khin zo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk kamsang bang a, a gamta mihaite thongkia sakin kol na bulh ding hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Mattiu 11:18

Bang hang hiam na cih uh leh, Johan in an ne lo, tui dawn loin hong pai a, amaute in, ‘Hih pa in dawi lawm a nei hi,’ a ci uh hi.

Mattiu 9:34

Farisaite in, “Dawi mangpa suangin dawite a hawlkhia hi,” a ci uh hi.

Marka 3:21

Ama lawmte in a zak uh ciangin a man dingin a pai uh hi. Bang hang hiam i cih leh, “Amah a hai hi,” a ci uh hi.

Johan 7:20

Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

Sawltak 26:24

Tua mah bangin Paul in mawhna kiphelhna thu a gen lai takin Festas in, “Paul aw, nang mihai bang na hi hi! Lungpilna tam sinin, mihai na suak zo hi,” ci-in nakpi-in a kiko hi.