Johan 10:16 - Tedim Bible

¹⁶ Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Tedim Bible Revision 2017

¹⁶ Hih tuukulh sungah a om lo tuu dang ka nei lai hi. Tuate zong tuukulh sungah ka khum dinga, amaute in keima thu ngai-in, keima khut sungah ka tuu om sate tawh hon khat suak khawm ding uh hi.

Johan 10:16 Iomraidhean Croise

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Thuhilh-sia 12:11

Mipilte’ thugente in, tuucingte in tuu hawlna-in a zat ciangkhut hiam tawh kibang hi. Tua thute pen, eite khempeuh tuucin’ banga hong Cingpa Pasian’ piak ahi hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Ezekiel 34:12

Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun lai takin a kithehthangna uh mun khempeuh panin ka kaikhawm ding hi.

Ezekiel 34:23

Amaute a cing dingin ka nasempa David ka koih ding a, amah in amaute hoih takin an vakin kem ding hi.

Ezekiel 34:6

Tua ahih manin ka tuute kithehthang gawp uh a, mual tungte leh mualsang tung khempeuh ah vak mang uh hi. Leitung gam khempeuh ah ka tuute kithehthang uh a, kuamah in zon’ ding kan dingin ngaihsun lo uh hi.

Ezekiel 37:22

Israel mual tung gamah, amaute minam khatin ka gawmkik ding hi. Amaute in a uk ding khat nei ding uh a, amaute minam nih-in kikhen nawn lo ding uh a, kumpi nih-in kikhen nawn lo ding uh a, kumpi gam nih-in zong kikhen nawn lo ding uh hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Luka 15:8

“Lam khat panin, numei khat in dangka sawm nei a, khat a man’suah leh’ meivak vakin a muh matengin a inn phiatin a zong kawikawi lo ding kua ahi hiam?

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Johan 10:2

Kongpi pan a lut mi in tuucing ahi hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:3

Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Johan 10:4

Ama tuute khempeuh a khah khit ciangin a mai-ah pai a, tuute in a zui uh hi. Bang hang hiam na cih uh leh, amaute in ama aw a thei uh hi.

Johan 10:5

Ahih hangin midang nung a zui kei ding uh a; a kiang pan a taikhia ding uh hi. Bang hang hiam na cih uh leh, midangte’ aw a thei kei uh hi,” ci-in Zeisu in a hilh hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Johan 17:20

“Hih mite ading bekin thu kong ngen kei hi. Amaute’ thuhilhna hangin kei hong um mite adingin zong thu kong ngen hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Sawltak 15:14

“Ute naute aw, kei thu ngai lai ta un. Pasian in ama min ading Gentailte sung pan kimkhat a teelkhiat ding, amasa-in amau kiangah a pai zawh thu Simon in hong hilh zo hi.

Sawltak 18:10

Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

2 THESALONIKA NIHNA 2:13

Ahih hangin Pasian in a it ute naute aw, note in Kha Siangtho’ sian’thosakna tawh, thuman thutak na upna uh tawh, gupna na ngah nadingun Pasian in a masa belin note hong teel ahih ciangin kote in hih ding a kilawm bangin, note’ hangin Pasian’ hehpihna ka phat tawntung uh hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

1 PETER MASA 2:10

Note in nidang lai-inah a mi pawlte na hih loh uh hangin tu-in Pasian’ mi pawlte na hi uh hi. Nidang lai-inah hehpihna na ngah loh uh hangin tu-in na ngah zo uh hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

1 PETER MASA 5:4

Tua bang ahih leh, Tuucing Ukpa hong kilat ciangin note in, a vul thei lo vangliatna lukhu na ngah ding uh hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.