Johan 1:9 - Tedim Bible

⁹ Khuavak taktak a om hi. Tua khuavakna in leitung a, piang mi khempeuh a vaksak hi.

Tedim Bible Revision 2017

⁹ Ama gen khuavak taktak pen zong leitungah hong tung khin a, mi khempeuh a taan khin hi.

Johan 1:9 Iomraidhean Croise

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Mattiu 6:23

Na mit a man’ leh na pumpi khempeuh a mial ding hi. Na pumpi sungah a om khuavak in khuamial ahih leh, tua khuamial in a mialpha mahmah hi.”

Luka 11:36

Tua ahih ciangin, mun khat beek mial loin, na pumpi a vak leh, meivak’ vang tang in nang khuavak a hong pia bangin, na pumpi in khuavak tawh a kidim ding hi,” a ci hi.

Johan 1:4

Ama sungah nuntakna a om hi. Tua nuntakna in leitung mite ading khuavak ahi hi.

Johan 1:7

Mi khempeuh in ama hangin thu um dingin teci pang a, khuavakna thu teci pang dingin a hong pai hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 15:1

“Keimah in leenggah gui ka hi a, ka Pa in leenggah gui locingpa ahi hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

1 JOHAN MASA 1:8

Eite in, “Ka mawhna a om kei hi,’ ci leng eimah mah kikheem i hi a, thuman thutak eite sungah a om kei hi.

1 JOHAN MASA 2:8

Khat vei thupiakna thak note kiangah kong gelh hi. Tua thupiakna in tua Topa sungah ahi zongin, note sungah ahi zongin thuman thutak ahi hi. Bang hang hiam na cih uh leh, khuamialna mangthang zo a, a maan khuavak a tan’ laitak ahi hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.