Johan 1:49 - Tedim Bible

⁴⁹ Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Tedim Bible Revision 2017

⁴⁹ Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Johan 1:49 Iomraidhean Croise

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Zefaniah 3:15

Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 14:33

Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Mattiu 2:2

Ni suahna gam lam pan ama aksi ka mu zo uh hi. A bia dinginah ka hong pai uh hi,” ci-in a dong uh hi.

Mattiu 21:5

“En in, na Kumpipa, lungsimniam tawh, Lapi’ ta lano leh la tungah tuangin, Na kiangah hong pai ding hi,’ ci-in, Zion’ tanu kiangah na gen ding hi,” ci-in a gen hi.

Mattiu 23:7

sumbukah zahtakna tawh hopih ahi zongin, ‘Rabbi aw,’ cihna ahi zongin a deih uh hi.

Mattiu 23:8

Note in, ‘Rabbi,’ hong cih ding na ut kei un, Bang hang hiam na cih uh leh, na to uh khat bek a om hi. Note khempeuh in unau pawlkhat na hi uh hi.

Mattiu 27:11

Zeisu in mangpa mai-ah a din’ ciangin mangpa in, “Nang, Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Mattiu 27:42

“Hih mipa in midangte a gup theih hangin ama pumpi kigum zo lo hi. Israel Kumpipa ahih takpi leh, tu mahmahin singlamteh tung pan hong kumsuk ta hen. Hong kum leh, ka um ding uh hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Marka 15:32

Ka muh uh a, ka up nadingun Israel’ Kumpipa Khazih in singlamteh tung pan hong kumsuk ta hen,” ci-in khat leh khat a kici uh a, a zahko uh hi. Singlamteh tungah Zeisu tawh a kikhai khawmte in zong a zahko uh hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Johan 1:38

Zeisu kihei a, amaute in a nung a zui uh a muh ciangin, “Bang zong na hi uh hiam?” ci-in a dong hi. Amaute in, “Rabbi aw, koi lai-ah om na hi hiam?” ci-in a dawng uh hi. Rabbi a khiatna in ‘Sia’ cihnopna ahi hi.

Johan 1:50

Zeisu in, “Theikung nuai-ah nang kong mu hi ka cih manin hong um na hi hiam? Tua sang a lianzaw nate na mu ding hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 4:31

Amaute a tun’ ma-in a nungzuite in, “Rabbi aw, an ne in,” a ci uh hi.