Johan 1:45 - Tedim Bible

⁴⁵ Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Tedim Bible Revision 2017

⁴⁵ Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Johan 1:45 Iomraidhean Croise

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Isaiah 4:2

Tua ni ciangin Topa’ bulsel pen mel hoihin minthang ding a, leitung pan-a a piang gahte pen, a suakta Israel mite’ kiphatsakna leh minthan’na hi ding hi.

Isaiah 53:2

Bang hang hiam cih leh amah pen kungno khat leh leikeu sunga zung khat bangin ama mai-ah khangto hi; eite’ et dingin ama’ limin deihhuaina mel nei lo a, eite’ deih dingin hoihna nei lo hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 10:3

Filip leh Bartholomai, Thomas leh siahdong Mattiu, Alfe-as’ tapa Jakob leh Thaddeas,

Mattiu 13:55

Amah in khutsiampa’ tapa hilo ahi hiam? A nu min Mari hilo ahi hiam? Ama sanggamte in Jakob, Josef, Simon, Judah te hilo ahi uh hiam?

Mattiu 2:23

Galile gamah pai a, “Khazih in Nazereth mi kici ding hi,” ci-a Pasian’ kamsangte’ gen bangin a tun’ nadingin Nazareth kici khua khatah tungin a teeng hi.

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Marka 14:67

Piter mei awi-a om a muh ciangin lim takpi-in en a, “Nazareth mi Zeisu tawh na kipawl hi,” a ci hi.

Marka 6:3

Amah in Mari’ ta hilo ahi hiam? Khutsiampa ahi, Jakob, Josef, Judas leh Simon-te’ sanggampa hilo ahi hiam? Ama sanggamnute in i kiangah om hilo ahi uh hiam?” ci-in a gen uh hi. Amaute in ama hangin a lungkia uh hi.

Luka 18:37

Amaute in, “Nazareth mi Zeisu hong pai hi,” a ci uh hi.

Luka 2:4

Josef in zong David’ suan ahih ciangin, a kidongsa a lawmnu Mari tawh kisim dingin, Galile gam Nazareth khua panin Judah gam Bethlehem kici David’ khua-ah a pai uh hi.

Luka 2:48

A nu leh pate in amah a muh uh ciangin lungmang uh a, a nu in, “Ka ta aw, bang hangin kote tungah hih bangin hong bawl na hi hiam? Na pa leh keimah in dahna lungsim tawh kong zong uh hi,” a ci hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 3:23

Zeisu in thuhilh a kipat ciangin kum sawmthum bang a pha hi. Mite upna bangin Zeisu in Josef ta ahi hi. Josef in Heli’ ta hi,

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Johan 1:44

Filip in Andru leh Piter-te’ teen’na khua Bethsaida khuami ahi hi.

Johan 12:21

Tua ahih ciangin tuate in Galile gam Bethsaida khuami Filip kiangah va pai uh a, “Zeisu ka mu nuam uh hi, lawm aw,” ci-in a gen uh hi.

Johan 14:8

Filip in, “Topa aw, Pa hong lak lecin ka deihna uh a kicing ding hi,” a ci hi.

Johan 18:5

Amaute in, “Nazareth mi Zeisu ka zong uh hi,” a cih uh leh, “Kei tua pa ka hi hi,” a ci hi. A lehheekpa Judas in amaute tawh a ding khawm hi.

Johan 18:7

Tua ciangin Zeisu in, “Note in kua zong na hi uh hiam?” ci-in a dot kik leh, amaute in, “Nazareth mi Zeisu ka zong uh hi,” a ci uh hi.

Johan 19:19

Pilat in laigelh a, singlamteh tungah a suang hi. Tua lai in, “JUDAHTE’ KUMPIPA, NAZARETH KHUAMI ZEISU AHI HI,” ci-in a kigelh hi.

Johan 21:2

Simon Piter leh Didimas kici Thomas akipan, Galile gam Kana khuami Nathanael leh Zebedi’ tate nih in adang nungzuite nih tawh a omkhawm uh hi.

Johan 6:42

Judah mite in, “Hih pa in Josef’ tapa Zeisu hilo ahi hiam? A nu leh pa thei hilo i hi hiam? Tua ahih leh, ‘Vantung pan kong paisuk zo hi,’ bang hangin ci thei hiam?” ci-in a gensia uh hi.

Johan 6:5

Tua ahih ciangin, Zeisu in a khuadak leh mihonpite ama kiangah hong pai a muh ciangin Filip kiangah, “Hih mite nek ding khomun bang lak pan i lei ding hiam?” ci-in a dong hi.

Johan 6:7

Filip in, “Mi a vekpi-in themkha khat tek a ngah nadingun dangka zanih man khomun a cing kei ding hi,” ci-in a dawng hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Sawltak 22:8

‘Topa aw, kua na hi hiam?’ ci-in ka dot ciangin, ‘Na bawlsiat, Nazareth khua mi, Zeisu ka hi hi,’ hong ci hi.

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Sawltak 3:6

Piter in, “Kham leh ngun ka nei kei hi. Ahih hangin ka neihsa kong pia ding hi.