Johan 1:41 - Tedim Bible

⁴¹ Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Tedim Bible Revision 2017

⁴¹ A zing ciangin a u Simon zong pahin ama kiangah, “Messiah ka mu zo uh hi,” a ci hi. Tua pen Khris a cihnopna ahi hi.

Johan 1:41 Iomraidhean Croise

2 KUMPI NIHNATE 7:9

Tua ciangin amaute khat leh khat in, “A manin i gamta kei hi. Tu ni-in thuthak a hoih i theih ni ahi hi; eite pau loin zingsang khuavak dong ngak lehang daantahna i thuak ding hi; tua ahih ciangin tu-in hong pai un, eite pai-in kumpipa’ innkuante kiangah gen ni,” ki-ci uh hi.

Late 2:2

Leitung kumpite leh gam ukte in, Topa leh ama sathau nilhpa langpangin vaihawm uh a,

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Late 89:20

Ka nasempa David ka mu zo hi; ka khut tawh amah a om ngitnget theih nading, ka baan in zong amah a thakhauhsak theih nadingin ka sathau siangtho tawh amah ka nilh khin hi.

Isaiah 11:2

Ama tungah, Topa’ Kha ahi, lungpilna leh thu theihtelna Kha, thu lamlah siamna leh vangliatna Kha, theihna leh Topa kihtakna Kha om ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Luka 2:17

A muh khit uh ciangin, amau kiangah naungeek thu kigensa thu teng a zasak uh hi.

Luka 2:38

Amah tua lai takin tunga Pasian hehpihna phatin, Jerusalem khuapi suahtak nading a lamen mi khempeuhte kiangah tua naungeek thu teng a gen hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Johan 4:25

Numei in, “Khazih kici Messiah hong tung ding ke’n ka thei hi. Amah hong tun’ ciangin thu khempeuh hong hilh ding hi,” a ci hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 4:27

hih khua sungah Herod leh Pontias Pilat in Gentailte leh Israelte tawh nangmah na khut leh na ciamtehna in hong piang ding thu a piakkholh bangin,

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.