Johan 1:34 - Tedim Bible

³⁴ Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Tedim Bible Revision 2017

³⁴ Tua ahih manin hih mipa pen Pasianʼ Tapa hi, ci-in thei ka hih manin teci ka pang hi,” a ci hi.

Johan 1:34 Iomraidhean Croise

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Mattiu 27:40

Pasian’ Tapa na hih takpi leh, singlamteh tung pan hong kumkhia in,” ci-in a lu uh pei-in a zahko uh hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Mattiu 4:6

“Nang in Pasian’ Tapa na hih takpi leh, na pumpi kikiasuksak in. Bang hang hiam cih leh: “Amah in ama vantungmite, nang ading thu a pia ding hi,” leh, ‘Na khe in suang tawh a kisuk khak loh nadingin, amau in a khut un, nang hong dom ding uh hi; ci-in Lai Siangtho sungah kigelh hi,” dawimangpa in a ci hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Marka 1:1

Pasian’ Tapa Zeisu Khazih’ Lungdamna Thu a kipatna in hih bang hi.

Marka 1:11

“Nang in ka lung hong damsak ka it ka Tapa na hi hi,” ci-in vantung panin aw khat a ging hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 11:27

amah in, “Ka um hi, Topa aw, Leitungah hong pai ding Pasian’ Tapa Khazih na hih ka um hi,” a ci hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Johan 20:28

Thomas in, “Ka Topa leh ka Pasian aw,” a cih ciangin,

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 6:69

Nang in nuntak tawntungna thu na nei hi. Nangmah in Pasian’ misiangtho na hi ci-in kote in umin ka thei uh hi,” a ci hi.

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

Hebru 7:3

pa om lo, nu om lo, a suan a khak om lo, a nuntakna kipatna ahi zongin, a beina ahi zongin nei loin, Pasian’ Tapa tawh kibangin siampi-in a tawntungin a om hi.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

1 JOHAN MASA 4:9

Eite in Tapa hangin i nuntak nadingin Pasian in ama Tapa khat bek leitungah hong sawlna ah Pasian’ itna eite sungah a kilang hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

2 JOHAN NIHNA 1:9

Khazih’ thuhilhna-ah kip loin a zui khial mi in Pasian a nei lo mi ahi hi. Khazih’ thuhilhna-ah a kip mi in Pa leh Tapa a nihin a neikhawm hi.

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in: