Johan 1:33 - Tedim Bible

³³ Tua pa ka thei kei hi. Ahih hangin tui sungah baptaiz dingin kei hong sawlpa in, ‘Mi khat tungah Kha Siangtho hong kumsuka, a tuang na muh leh, tuapa in Kha Siangtho sungah baptaizpa ahi hi,’ ci-in thu hong pia hi.

Tedim Bible Revision 2017

³³ Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.

Johan 1:33 Iomraidhean Croise

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Johan 1:31

Kei in tua pa ka thei hi. Ahih hangin amah in Israel mite kiangah a kilat nadingin, keimah in tui sungah baptaiz-in hong pai ka hi hi,” ci-in a gen hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 1:5

Bang hang hiam na cih uh leh, Johan in tui sungah hong baptaiz hi. Ahih hangin a sawt loin note in Kha Siangtho sungah na kibaptaiz ding uh hi,” a ci hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

1 KORIN MASA 12:13

Bang hang hiam na cih uh leh, Judah mi hi taleh, Grik mi hi taleh, sila hi taleh, to nei lo hi taleh, eite khempeuh in Kha Siangtho khat bek tawh pumpi khat sungah baptaizna i ngah a, eite khempeuh in Kha Siangtho khat sung pan i dawn hi.