Johan 1:31 - Tedim Bible

³¹ Kei in tua pa ka thei hi. Ahih hangin amah in Israel mite kiangah a kilat nadingin, keimah in tui sungah baptaiz-in hong pai ka hi hi,” ci-in a gen hi.

Tedim Bible Revision 2017

³¹ Amah a bangci mi hi ding cih thei lo napi-in, Israel mite in amah a theih nadingun tui sungah mite a phum dingin a hong pai ka hi hi,” a ci hi.

Johan 1:31 Iomraidhean Croise

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Mattiu 3:13

Tua lai takin Zeisu kibaptaiz dingin Galile gam panin Jordan gun gei Johan kiangah va pai hi.

Mattiu 3:6

amau mawhna khialhna pulakin Jordan gun sungah ama khut tungah kibaptaiz uh hi.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Johan 1:30

Kei ka om ma-in om ahih ciangin kei sangin a lianzaw ka nungah hong pai hi kong cihpa in hihpa ahi hi.

Johan 1:32

Tua lo adang Johan teci pan’na in, “Kha Siangtho vantung pan vakhu bangin hong kumsuka, tua pa tungah a tuang ka mu hi.

Johan 1:33

Tua pa ka thei kei hi. Ahih hangin tui sungah baptaiz dingin kei hong sawlpa in, ‘Mi khat tungah Kha Siangtho hong kumsuka, a tuang na muh leh, tuapa in Kha Siangtho sungah baptaizpa ahi hi,’ ci-in thu hong pia hi.

Johan 1:7

Mi khempeuh in ama hangin thu um dingin teci pang a, khuavakna thu teci pang dingin a hong pai hi.

Sawltak 19:4

Paul in, “Johan in, ‘Kei nungah hong paipa na um ding uh hi,’ ci-in mite kiangah genin, mawhna a kisikkik manunah a baptaiz hi. Tua bang a cihna in Zeisu ahi hi,” ci-in Paul in a gen hi.