Johan 1:29 - Tedim Bible

²⁹ Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Tedim Bible Revision 2017

²⁹ A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 1:29 Iomraidhean Croise

Paikhiatna 28:38

Tua pen Aaron’ taltang-ah om ding a, Israel mite in letsong siangtho a piakna uh ahi, a siangtho biak piakna-ah mawhna a om peuhmah Aaron in ama' tungah khu ding hi; Topa’ mai-ah amaute a kisan’ theih nadingin ama' taltang tungah tua a peek om tawntung ding hi.

Isaiah 53:10

Ahih hangin amah a kisatnim ding pen Topa’ deihna ahi hi; amah in natna thuak sak hi; mawhna hangin ama pumpi a kipiak ciangin amah in a suan leh khakte mu ding a, ama khan’ sau ding hi; Topa’ deihna ama khut sungah pung ding hi;

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Siampi Laibu 10:17

“Note in mihonte’ adingin Topa mai-ah kilemna bawlin, amau’ mawhna a pua dingin note tungah hong kipiasa a siangtho sa pen khialhna hang a biakna hi napi, bang hangin biakinn ah ne lo na hi uh hiam?

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Gamlak-vakna 18:1

Tua ahih ciangin Topa in Aaron kiangah, “Nang leh na tapate leh na behte biakinn tawh kisai-in mawhna nang tawh pua khawm ding uh hi; nang leh na tapate in na siampi nasepna tawh kisai-in mawhna nang tawh na pua khawm ding uh hi.

Gamlak-vakna 18:23

Ahih hangin Levi mite in kikhopna buk nasep sem ding uh a, amaute in a mawhna uh pua ding uh hi; tua in amau’ khang tawntungin tawntung ngeina hi ding hi; amaute in Israel mite lakah luah nei lo ding uh hi.

Gamlak-vakna 21:9

Tua ahih ciangin Moses in sumngo gul khat bawl a, khuam khat tungah khai hi; gul in mi khatpeuh a tuk leh amah in sumngo gul enin hing pah hi.

Gamlak-vakna 7:27

meihal biak nadingin bawngtalno khat, tuutal khat, kum khat a pha tuuno a pa khat;

Gamlak-vakna 7:39

meihal biak nadingin bawngtal no khat, tuutal khat, kum khat a pha tuuno a pa khat;

Mattiu 1:21

Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Johan 1:35

A zing ciangin Johan in a nungzuite nih tawh a din’khop lai takin Zeisu lampi-ah a pai mu a, “Pasian’ Tuuno, en un!” a ci hi.

Johan 1:43

Zing ciangin Zeisu in Galile gamah pai ning ci a, Filip a muh ciangin, “Ka nung hong zui in,” a ci hi.

Johan 2:1

Ni nih khit ciangin, Galile gam Kana khua-ah mo la lawmvakna om a, Zeisu’ nu zong tua lai-ah a om hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 4:42

Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

Sawltak 13:39

Amah a um khempeuh in Moses’ Thukham hangah suakta zo lote zong amah hang inah na suakta thei uh hi.

Sawltak 8:32

Lai Siangtho a simna in: “Thah dinga a kipaipih tuu bangin amah kipaipih hi. Tuuno in a mul mette mai-ah a ham loh banginah, Amah in zong a kam a ka kei hi.

1 KORIN MASA 15:3

Ka ngah bangin note kiangah ka hong gen masak thu in: Lai Siangtho sungah a kigelh mah bangin Khazih in eite mawhna taang ding sihna a thuak hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

1 TIMOTI MASA 2:6

Tua Zeisu in mi khempeuh tankhia dinginah ama pumpi a pia hi. Amah a hun a tun’ ciangin teci pang dingin a om hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Hebru 9:28

tua mah bangin Khazih in zong mi tampi mawhna puakhia dingin khatvei bek biakna sihna a thuak khit ciangin, amah a lamente gum dingin mawhna tawh kipawl loin, nih veina a hong a paikik ding hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 JOHAN MASA 2:2

Tua Topa in eite mawhna tham loin, leitung mi khempeuh’ mawhna maisak nading ahi hi.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

Mangmuhna 12:11

Amaute in Tuuno’ sisan hangin ahi zongin, amaute teci pan’ na hangin ahi zongin zoin, sihna thuak dongin a nuntakna uh haza lo uh hi.

Mangmuhna 13:8

Leitung a cil panin thahna a thuak khin Tuuno’ nuntakna laibu sungah a min uh a kigelh lo leitung mi khempeuh in sahang a bia ding uh hi.

Mangmuhna 14:1

Tua lai takin ka et leh, Zion Mual tungah ding-in a om Tuuno-a kipan amau taltang tung uhah Tuuno’ min tawh, ama Pa’ min tawh kigelha a om mi sangkhat-thenli-tulli amah tawh a om ka mu hi.

Mangmuhna 14:10

Pasian’ hehna hai-ah a kihel khawm lo-a kikoih hehna leenggahzu tua mi in a dawn ding hi. Tua tham loin a siangtho vantungmite mai leh Tuuno’ mai-ah tua mi in mei leh kat tawh bawlsiatna a thuak ding hi.

Mangmuhna 14:4

Tua mite ahih uh leh, tangval ahi uh a, numei tawh khialhna nin a nei ngei lo ahi uh hi. Amaute in Tuuno paina teng a zui mite ahi uh hi. Pasian ading leh Tuuno ading a gah masa bel ahih nadingun mite lak pan a kilei mite ahi uh hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Mangmuhna 19:7

Lungdamin nuam ni, a min phat ni! Bang hang hiam i cih leh, Tuuno’ zipi hun a tung zo hi. A lawmnu in kiging kholsa-in a om hi.

Mangmuhna 19:9

Tua lai takin vantungmi in, “Tuuno’ zipina pawi-ah a kisam mite thupha ngah ahi uh hi,” ci-in na gelh in ci-in ahi zongin, “Hih kam in Pasian’ thuman thu ahi hi, ci-in ahi zongin a hong gen ciangin,

Mangmuhna 21:14

Khuapi kulh nuai-ah a nuaiphah sawm leh nih om a, tuate tungah Tuuno’ sawltak sawm leh nihte’ minte kigelh hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Mangmuhna 21:9

Tua lai takin a nunung bel gimna pawl sagih a omsa hai sagih a tawi vantungmi sagihte khat hong pai-in, kei kiangah, “Hih lai-ah hong pai in. Tuuno’ zi ahi mo kong lak ding hi,” hong cih khit ciangin,

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Mangmuhna 6:1

Tuuno in ciamtehna sagih laka khat a hon’ ka mu hi. Tua lai takin ganhing lite-ah khat in vanging aw bang aw tawh, “Hong pai in,” hong cih ka za a,

Mangmuhna 6:16

“Ko tungah hong cim in; tokhom tungah tu-in a om mi maitang pan ahi zongin, Tuuno’ hehna pan ahi zongin, hong liah in.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.