Johan 1:27 - Tedim Bible

²⁷ Ama khedap khau phel ding nangawnin ka kilawm kei hi,” a ci kik hi.

Tedim Bible Revision 2017

²⁷ Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawm zo nai kei hi,” ci-in a dawng hi.

Johan 1:27 Iomraidhean Croise

Piancilna 14:23

nangmah in, ‘Abram ka hausak hi,’ ci kha ding na hih manin mimkhau ahi a, khedap khau ahi a, nangma’ aa ahi na khatpeuh peuh ahi zongin ka la kei ding hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Marka 1:7

Ama thuhilhna in, “Kei sangin a lian zawpa khat in ka nungah hong pai ding hi. Ama khedap khau sut ding nangawn ka kilawm kei hi.

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Johan 1:15

Johan in ama ading teci pangin a kikona in, “Ka nungah hong paipa in kei om ma-in om ahih ciangin, kei sangin a lianzaw hi, kong cihna in hih pa ahi hi,” ci-in a kiko hi.

Johan 1:30

Kei ka om ma-in om ahih ciangin kei sangin a lianzaw ka nungah hong pai hi kong cihpa in hihpa ahi hi.

Johan 10:41

Mi tampite a kiangah va pai uh a, “Johan in nalamdang a lah loh hangin hih mi thu Johan in a genna khempeuh a man hi,” a ci uh hi.

Sawltak 13:25

Tua Johan in a nasepna a zawh lai takin, ‘Kei in kua mi ka hi hong um na hi uh hiam? Amah ka hi kei hi. Ahih hangin ka nungah hong pai mi khat a om lai hi. Ama khedap sut ding ka kilawm kei hi,’ a ci hi.

Sawltak 19:4

Paul in, “Johan in, ‘Kei nungah hong paipa na um ding uh hi,’ ci-in mite kiangah genin, mawhna a kisikkik manunah a baptaiz hi. Tua bang a cihna in Zeisu ahi hi,” ci-in Paul in a gen hi.