Johan 1:18 - Tedim Bible

¹⁸ Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Tedim Bible Revision 2017

¹⁸ Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Johan 1:18 Iomraidhean Croise

Piancilna 16:13

Tua ahih ciangin ama' tungah thu a gen Topa pen, “Nang in a mu thei Pasian khat na hi hi,” ci hi. Bang hang hiam cih leh amah in, “Keimah in Pasian mu khin taktakin amah ka muh khit ciangin hing lai hilo ka hi hiam?” ci hi.

Piancilna 18:33

Abraham' tungah a thugen ding a man khit ciangin ama' paina dingah Topa pai a, Abraham zong ama' innah ciahkik hi.

Paikhiatna 23:21

Amah thudon-in ama' aw ngai un la amah lehdo kei un, bang hang hiam cih leh amah in note’ thu palsatna hong maisak lo ding hi; bang hang hiam cih leh keima' min tawh nasem ahi hi.

Paikhiatna 24:10

amaute in Israel Pasian mu uh hi; ama' khe nuai-ah a siangthona van meel tawh a kibang, suangmanpha tawh a kibawl suangphahpek bang pian om hi.

Paunak 8:30

Na geel siampa bangin amah tawh kikhawlin, keimah in ni simin ama lungdamna ka hi a, ama kiangah om nuam sa-in,

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Kah la 2:12

Gilkial dangtaakin nu aw, ci-in kapkap uh a, a liam a bai bangin kongzing tengah a tuk pekpak uh hi. Tua bangin damdamin a nute uh ang ah a si uh hi.

Gamlak-vakna 12:8

Amah tawh kam leh kam kiho-in a kitel lo kampaute tawh hi loin, a kitel takin thu ka gen uh hi; amah in Topa’ mel mu hi. Tua bang ahih ciangin bang hangin ka nasem Moses gensiat ding lau lo na hi uh hiam?” a ci hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Johan 13:23

Zeisu in a it nungzui khat in Zeisu’ ang-ah lumin, kingamin a om hi.

Johan 14:9

Zeisu in, “Filip aw, kei in note tawh hih tanvei ka omkhawm hangin hong thei lo na hi hiam? Kei hong mu mi in Pa zong a mu zo hi. ‘Pa hong lak in,’ bang hangin na ci hiam?

Johan 17:26

Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Johan 17:6

“Leitungah na hong piaksa mite kiangah na min ka lak zo hi. Tuate in nangma neihsa ahi uh a, kei nong pia zo hi. Nangma thu amaute in a zui uh hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 6:46

Tua bang ka cih ciangin, Pasian kiang pan hong paipa longal mi khat beek in Pasian a mu zo hi ka cihnopna ahi kei hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Thu-hilhkikna 4:12

Tua ciangin mei sung panin Topa in note kiangah thu hong gen hi; note in awging na za uh a, ahih hangin bangmah na mu kei uh hi; awging bek om hi.

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.

Joshua 5:13

Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

1 JOHAN MASA 4:12

Cikmah hunin kuamah in Pasian a mu ngei kei hi. Eite khat leh khat i ki-it leh, Pasian in eite sungah om a, ama itna eite sungah hong kicing hi.

1 JOHAN MASA 4:20

Mi khat peuhmah in, “Pasian ka it hi,” ci napi-in a u a nau a it kei leh, tua mi in thuzuau gen mi ahi hi. Bang hang hiam na cih uh leh, a muh theih a u a nau a it kei leh, a muh theih loh Pasian bang ci a it zo ding hiam?

1 JOHAN MASA 4:9

Eite in Tapa hangin i nuntak nadingin Pasian in ama Tapa khat bek leitungah hong sawlna ah Pasian’ itna eite sungah a kilang hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.