Johan 1:15 - Tedim Bible

¹⁵ Johan in ama ading teci pangin a kikona in, “Ka nungah hong paipa in kei om ma-in om ahih ciangin, kei sangin a lianzaw hi, kong cihna in hih pa ahi hi,” ci-in a kiko hi.

Tedim Bible Revision 2017

¹⁵ Johan in ama thu gen a, “Keima nungah hong pai hi napi-in keima suah ma-in amah om khin ahih manin kei sangin amah lian zaw hi,” ci-in ka gen pa pen hih pa ahi hi, ci-in a kiko hi.

Johan 1:15 Iomraidhean Croise

Paunak 8:22

“Topa in kei hong piangsak masapen a, tangtawng-a ama sep lak pan a masapen ka hi hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Marka 1:7

Ama thuhilhna in, “Kei sangin a lian zawpa khat in ka nungah hong pai ding hi. Ama khedap khau sut ding nangawn ka kilawm kei hi.

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Johan 1:27

Ama khedap khau phel ding nangawnin ka kilawm kei hi,” a ci kik hi.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Kolose 1:17

Tapa in na khempeuh a pian’ ma-in om a, amah hangin na khempeuh a kip hi.

Hebru 13:8

Zeisu Khazih in zanni, tuni, atawntungin kikheel loin a om hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in: