Johan 1:14 - Tedim Bible

¹⁴ Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Tedim Bible Revision 2017

¹⁴ Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 1:14 Iomraidhean Croise

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Late 85:9

I gam sungah minthan’na a om theih nadingin amah a zahtakte’ adingin ama hotkhiatna hong om takpi hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

Isaiah 53:2

Bang hang hiam cih leh amah pen kungno khat leh leikeu sunga zung khat bangin ama mai-ah khangto hi; eite’ et dingin ama’ limin deihhuaina mel nei lo a, eite’ deih dingin hoihna nei lo hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Ezekiel 37:27

Amaute tawh teeng khawmin, amaute’ Pasian ka hi ding a, amaute pen keima mite hi ding hi.

Mattiu 1:16

Jakob’ tapa Josef, Mari’ pasal ahi hi. Tua Mari in Khazih kici Zeisu’ nu ahi hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Luka 2:7

a ta cil suak a, puanin a tun khit ciangin zin tun’na innah omna ding om lo ahih ciangin, bawng ankuang sungah naungeek a sial hi.

Luka 9:32

Piter leh amah tawh a omkhawmte a lusu uh hi. Ahih hangin a khan’lawh khit uh ciangin, Zeisu’ minthan’na leh amah tawh a ding khawmte a mu uh hi.

Johan 1:1

A kipatcil-in Thu a om hi. Thu in Pasian tawh a omkhawm hi. Thu in Pasian ahi hi.

Johan 11:40

Zeisu in, “Nang na up leh, Pasian’ minthan’na na mu ding hi, hong ci zo hilo ka hi hiam?” a ci hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 14:9

Zeisu in, “Filip aw, kei in note tawh hih tanvei ka omkhawm hangin hong thei lo na hi hiam? Kei hong mu mi in Pa zong a mu zo hi. ‘Pa hong lak in,’ bang hangin na ci hiam?

Johan 17:22

Eite in pumkhat i hih bangin, keimah in amaute sungah ka om a, nang keima sungah na om bangin, amaute pumkhat suak uh a, pumkhat a kicin’ nadingin nang in kei nong sawl a, keimah nong it bangin amaute na it cih leitung mite in a theih nadingun, nong piaksa minthan’na amaute kiangah ka pia zo hi.”

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 3:18

Amah a um mi in thukhenna a thuak kei hi. Amah a um lo mi ahih leh, tu-in thukhenna a thuak zo hi. Bang hang hiam i cih leh, amah in Pasian’ Tapa khat bek min a um kei hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

Johan 8:32

Thuman taktak zong na thei ding uh a, tua thuman thutak in note hong suaktasak ding hi,” ci-in a gen hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

1 KORIN MASA 15:47

A masa bel mi in lei pan hong piang ahih ciangin leitung mi ahi hi. A nihna mi in vantung pan a hong piang hi.

2 KORIN NIHNA 12:9

Ka thuum khit ciangin, “Ka hehpihna thupha in nang ading a kicing hi, ka vangliatna in thanemna ah a kicing hi,” ci-in thu hong pia hi. Tua ahih ciangin Khazih’ vangliatna in kei tungah hong tun’ nadingin ka thanemna hangin ka kisaktheih zawk nading ka utzaw hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Kolose 1:19

Bang hang hiam na cih uh leh, a kicin’na khempeuh a Tapa sungah a kipsak nading ahi zongin,

Kolose 2:3

Tua Khazih sungah pilna sum, theihna sum a om khempeuh kiseelin om hi.

Kolose 2:9

Bang hang hiam na cih uh leh, Pasian’ lim tawh a dim khempeuh in Khazih’ pum sungah kilangin a om hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 1:5

Bang hang hiam na cih uh leh: “Nang in ka Tapa na hi hi, Tuni-in na Pa ka suak zo hi,” ci-in ahi zongin, “Keimah in ama Pa ka hi ding hi, Amah in zong ka Tapa ahi ding hi,” ci-in ahi zongin a kua vantungmi kiangah khatvei beek thupia ngei ahi hiam?

Hebru 10:5

Tua ahih ciangin Khazih in leitungah hong pai ciangin: “Pasian aw, gangawh biakna leh piakna na deih kei hi, keimah ading pumpi khat na bawlkhol zo hi.

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Hebru 5:5

Tua mah bangin Khazih in zong siampi ukpa za a ngah nadingin ama pumpi a pahtawi kei hi. “Nang in ka Tapa na hi hi; Tuni-in nang kong piangsak hi,” ci-in a thu a piapa in Khazih a pahtawi hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

1 JOHAN MASA 4:9

Eite in Tapa hangin i nuntak nadingin Pasian in ama Tapa khat bek leitungah hong sawlna ah Pasian’ itna eite sungah a kilang hi.

2 JOHAN NIHNA 1:7

Zeisu Khazih in mi pum bangin ci-le-sa tawh hong pai hi ci-a sang lo mi kheem tampi, leitungah hong pai zo uh hi. Hih bang mi in mi kheem mi leh Anti Khazih ahi hi.

Mangmuhna 19:13

Sisan tawh kitheh puanza a silh hi. Ama min in Pasian’ Thu ahi hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.