Johan 1:13 - Tedim Bible

¹³ Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Tedim Bible Revision 2017

¹³ Tua bangin Pasianʼ tate suahna pen leitung ngeina nute pate sung panin suahna tawh hi loin Pasian sung panin suahna ahi hi.

Johan 1:13 Iomraidhean Croise

Piancilna 25:22

Ama' sungah a naute kilaigawp hi; amah in, ‘Hih bang ahih leh bang hangin nungta se ka hi hiam?” ci hi. Tua ahih ciangin Topa’ kiangah thu kan dingin amah pai hi.

Piancilna 25:28

Isaak in Esau it hi, bang hang hiam cih leh amah in ama' sa matsa ne hi; ahih hangin Rebekah in Jakob it hi.

Piancilna 27:33

Tua ciangin Isaak nakpi takin liingin, “Tua ahih leh, nang’ hong pai ma-in sa matsa hong paipihin, a vekin ka nek khit phetin, amah thupha ka piakpa kua ahi hiam?—hi hi, amah in thupha ngah ding hi,” ci hi.

Piancilna 27:4

ka sih ma-in nang thupha kong piak theih nadingin kei’ duh bangin an lim hong bawl in la, ka nek dingin hong paipih in,” ci hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

1 KORIN MASA 3:6

Keimah in a suanpa ka hi hi. Apollos in tuibuakpa ahi hi. A kung a khangsakpa ahih leh, Pasian ahi hi.

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

1 PETER MASA 1:3

Anungta lametna thu a om nading ahi zongin, a sia thei lo, a kihhuai nitna om lo, a vul thei lo luahna eite in i ngah nading ahi zongin, Zeisu Khazih in sihna pan a thawhkik ciangin hehpihna lianpi tawh kituakin eite hong piang kiksak i Topa Zeisu Khazih’ Pa Pasian in thupha ngah ta hen.

1 JOHAN MASA 3:9

Pasian’ pian’sak mi in ama sungah Pasian’ khaici a om man-inah mawhna a bawl zom thei kei hi. Amah in Pasian’ pian’sak mi ahih maninah a mawh nuam kei hi.

1 JOHAN MASA 4:7

Ka itte aw, eite khat leh khat ki-it ni. Bang hang hiam na cih uh leh, itna in Pasian kiang panin hong pai hi. A it thei mi khempeuh in Pasian’ pian’sak mi hi a, Pasian a thei hi.

1 JOHAN MASA 5:1

Zeisu in Khazih ahi ci-a a um mi in Pasian’ pian’sak mi ahi hi. Pa a it mi in Pa’ pian’sak mi zong a it ding hi.

1 JOHAN MASA 5:18

Pasian’ pian’sak mi khempeuh in mawhna ahih zom kei hi ci-in i thei hi. Pasian’ pian’sak mi in ama pumpi kem a, a gilo mi in tua mi a sukha thei kei hi.

1 JOHAN MASA 5:4

Bang hang hiam na cih uh leh, Pasian’ pian’sak peuhpeuh in leitung a zo thei hi. Eite upna in leitung zawhna ahi hi.