Johan 1:10 - Tedim Bible

¹⁰ Amah in leitungah a om zo hi. Amah tawh leitung kipiangsak hi. Leitung in amah a thei kei hi.

Tedim Bible Revision 2017

¹⁰ Amah, leitungah om a, amah tawh leitung a kibawl hi napi-in leitung mite in amah na thei kha lo uh hi.

Johan 1:10 Iomraidhean Croise

Piancilna 16:13

Tua ahih ciangin ama' tungah thu a gen Topa pen, “Nang in a mu thei Pasian khat na hi hi,” ci hi. Bang hang hiam cih leh amah in, “Keimah in Pasian mu khin taktakin amah ka muh khit ciangin hing lai hilo ka hi hiam?” ci hi.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Piancilna 18:33

Abraham' tungah a thugen ding a man khit ciangin ama' paina dingah Topa pai a, Abraham zong ama' innah ciahkik hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Johan 1:3

Thu tawh na khempeuh a kipiangsak hi. A kipiangsak khempeuh lakah, Thu loin a kipiangsak khat beek a om kei hi.

Johan 1:5

Tua khuavak in khuamial lakah taang a, khuamial in amah a zo zo kei hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 5:17

Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

1 KORIN MASA 1:21

Bang hang hiam na cih uh leh, Pasian’ vaihawm bangin leitung mite in amau lungpilna hangah Pasian thei lo uh ahih ciangin, Pasian in a umte thuhilhna hai tawh a gup nading lungsim a nei hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

Hebru 11:3

A kimu nate in a kilang nate sung pan piang hi loin, leitungte in Pasian’ thupiakna tawh a piang hi ci-in eite in upna tawh i thei hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.