Joel 3:9 - Tedim Bible

⁹ Minamte tungah hih bangin thuzaksakna bawl in: Gal hang mite sam un la, gal do dingin kithawi un la, galkap khempeuh khawmin hong kuan un!

Tedim Bible Revision 2017

⁹ “Minam dangte tungah hih bangin thu zaksakna bawl in: Galhang mite sam unla, galdo dingin kithawi un. Galkap khempeuh kaikhawmin hong kuan un!

Joel 3:9 Iomraidhean Croise

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Jeremiah 51:27

“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.

Jeremiah 6:4

Amau in, “Jerusalem khua sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak-a i liimte sau keei ta hi.

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasemte ahi, Israel kamsangte tung tawnin, sawt pek lai-in ka gengen niloh mipa in nang na hi hi. Hih thu Topa Pasian in gen khin zo hi.

Ezekiel 38:7

Tua ahih manin tu-in nang leh na pawlte khempeuh a kigalging sa-in om un la, na thupiakna bangin gamtang pah lian dingin na galkapte khempeuh om sak in.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Haggai 2:7

Minam khempeuh lokgawp ding ka hih manin, a neihsa uh sum leh paiite, hih munah hong kipuak ding a, biakinn sungah a dimin van hong om ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Zekhariah 14:3

Tua ciangin Topa hong kuankhia ding a, a beisa hun-a a sim ngei bangin hih minam dangte hong sim ding hi.