Joel 3:7 - Tedim Bible

⁷ Tu-in amaute na zuakna uh mun, panin a la khia kik ding ka hi a, amaute tungah na bawl bangun note tungah kong bawl ding hi.

Tedim Bible Revision 2017

⁷ Tu-in amaute na zuakna uh mun panin a la khiakik ding ka hi a, amaute tungah na bawl bangun note tungah kong bawl ding hi.

Joel 3:7 Iomraidhean Croise

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Isaiah 66:6

Ngai un, khuapi sunga gamlumna! Biakinn sunga aw ging! Topa in a galte a daanpia a, a thukkikna huging ahi hi.

Jeremiah 23:8

‘a hawlkhiatna leilu lam gam leh gam dangte khempeuh panin Israel mite’ suan leh khakte pai khiatpih a, a makaih Topa a nuntak bangin,’ ci-in a kiciam zaw ding uh hi. Tua ciangin amaute, amau’ gamsung mah ah a teeng ding uh hi,” a ci hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 30:16

Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Jeremiah 31:8

En un, keimah in leilu lam gam panin amaute ka la ding a, leitung a gamla pen mun panin ka kaikhawm ding hi. Mittawte leh khelbaite zong hong kihel ding uh a, nupi gaite leh nau suak ding numeite-a kipan mi honpi hih lai munah hong ciahkik ding uh hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Joel 3:4

“Tai-ar khua, Sidon khua, leh Filistia gam khempeuh aw, kei bang hong cih nuam-a kinei na hi uh hiam? Bang khat peuh hangin hong thukkik nuam-a kinei na hi uh hiam? Kei a hong thukkik na hih leh, kei zong manlang takin kong thukkik pah ding hi.

Zekhariah 9:13

Grik mite sim nadingin, Judah thal bangin keek-in, Israel thaltang-in ka zang ding a, Zion mite namsau-in ka zang ding hi.

Mattiu 7:2

Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

2 THESALONIKA NIHNA 1:6

Bang hang hiam na cih uh leh, Topa Zeisu in ama vangliatna tawh kipawl vantungmite tawh, vantung pan meikuangin hong kilang a, Pasian a thei lo mite, i Topa Zeisu Khazih’ Lungdamna Thu a ngai lo mite daan a piak ciangin, note hong gimsak ngei mite tungah gimna ahi zongin, gimna a thuak ngei note tungah kote tawh nopsakna ahi zongin, Pasian in a thukkik nading thu in thuman ahi hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Mangmuhna 16:6

Bang hang hiam na cih leh, amaute in misiangthote’ sisan leh kamsangte’ sisan a bua uh a, amaute sisan na dawnsak zo hi. Amaute zong a dawn dingun kilawm hi,” a cihna ka za hi.

Mangmuhna 19:2

A thukhenna a man a dik hi. Bang hang hiam i cih leh, a gilo nu leh pa khialhna tawh leitungmite a siasak nuam numei gilo tungah thu khenin, a sisa a silate’ sisan hangin ama tungah daan a tat zo hi,” ci-in a gen uh hi.

Thukhente 1:7

Tua ciangin Adonibezek in, “A khutpite leh a khepi a ki-attan kumpi sawmsagihte in ka sabuai nuai-ah anneng kia tawm ngei uh hi; ka gamtatnasa bangin Pasian in kei hong thuk hi,” a ci hi. Tua ciangin amaute in Jerusalem-ah amah paipih uh a, tua mun-ah amah si hi.

1 SAMUEL MASA 15:33

Tua ciangin Samuel in, “Na namsau in numeite ta bei-in a bawl mah bangin na nu zong numeite lakah ta bei hi ding hi,” a ci hi. Tua ciangin Samuel in Topa mai Gilgal-ah Agag semnen hi.