Joel 3:19 - Tedim Bible

¹⁹ Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Tedim Bible Revision 2017

¹⁹ “Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Joel 3:19 Iomraidhean Croise

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Isaiah 11:14

Ahih hangin amaute in, nitumna lam-a om Filistia mite sim khawm ding uh a, nisuahna lam-a om mite luh khawm ding uh hi. Amaute in Edom mite leh Moab mite zogawp ding uh a, Ammon mite in amau’ thu mang ding uh hi.

Isaiah 11:15

Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Jeremiah 49:17

“Edom gam in a mulkim huai gam suak ding a, a kantan mi khempeuh in a siat gawpna hangin lamdang sa-in a mulkim ding uh hi.

Jeremiah 51:35

Kei’ tung leh ka mipihte’ tunga hong kibawl ngongtatna Babilon mite tungah tung ta hen, ci-in Zion khua-a teengte ci sak un. Khaldea mite in ka sisan man thuak ta uh hen, ci-in Jerusalem khua cisak un.”

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Obadiah 1:1

Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.

Habakkuk 2:17

Note in Lebanon gam singkungte phuk na hihmanun note zong hong kiphuk ding a, a ganhingte zong that na hih manun, tu-in ganhingte in note hong lausak ding uh hi. Gam sung khempeuh ah mi thatin na bawlsiatna hang uh, leh khuapite leh a sunga teengte na suksiatna hangun, note tungah hih bangin a hong piang ding ahi hi.

Zekhariah 10:10

Izipt leh Assiria gam panin amaute ka ciahpih kik ding a, amau’ gam amau’ lei-ah ka teengsak ding hi. Gilead gam leh Lebanon gamah zong ka teengsak ding a, gam khempeuhah mi dim ding hi.

2 THESALONIKA NIHNA 1:6

Bang hang hiam na cih uh leh, Topa Zeisu in ama vangliatna tawh kipawl vantungmite tawh, vantung pan meikuangin hong kilang a, Pasian a thei lo mite, i Topa Zeisu Khazih’ Lungdamna Thu a ngai lo mite daan a piak ciangin, note hong gimsak ngei mite tungah gimna ahi zongin, gimna a thuak ngei note tungah kote tawh nopsakna ahi zongin, Pasian in a thukkik nading thu in thuman ahi hi.