Joel 3:13 - Tedim Bible

¹³ Amaute gilo mahmah uh ahih manin, anlak huna buh at bangin at gawp un la, leenggahtui dawhna dim letin a luang leenggah cilna kuang sunga om leenggah bangin, tuancil gawp un.

Tedim Bible Revision 2017

¹³ Amaute gilo mahmah uh ahih manin an lak huna buhsi bangin at gawp unla, leenggahtui dawhna a dimletin a luang, leenggah cilna kuang sunga om leenggah bangin tuancil gawp un,” a ci hi.

Joel 3:13 Iomraidhean Croise

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Piancilna 15:16

Khang lina ciangin hih lai munah amaute hong paikik ding uh hi; bang hang hiam cih leh Amor mite’ mawhna kicing nai lo hi,” ci hi.

Piancilna 18:20

Tua ciangin Topa in, “Sodom leh Gomorrah a kimawhsakna lianin amaute’ khialhna nasia mahmah hi, kici ahih manin,

Isaiah 17:5

An a la mi in ankung a ding laite kaikhawmin a khut in ante a lak khit ciangin leitang hawm guak ahi a, mi khat in Refaim Kuam sunga ansang a kaihkhop khit ciangin lo lai hawm guak tawh ahi zongin kibang ding hi.

Isaiah 63:3

Mite’ lak panin kuamah in hong huh loin keimah guak in leenggah cil bangin minamte ka cil hi; sin sona tawh amaute ka cil a, hehna tawh amaute ka tuancil hi; ka puan tungah amaute’ sisan hong kitheh gawp a, ka puan khempeuh tungah sisan hong baang hi.

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Hosea 6:11

No Judah mite zong daan kong piak ding hun kiseh khin zo hi.

Mattiu 13:39

Tahum tang vawh galpa in dawimangpa hi. Taang lak hun in leitung bei nading hi. Taang la mite in vantungmite ahi uh hi.

Marka 4:29

A gah a min ciangin, thakhatin ama phiaukawi tawh a at hi. Bang hang hiam na cih uh leh, taang lak hun a tung zo hi,” a ci hi.

Thu-hilhkikna 16:9

“Nipi kal sagih na simto ding uh hi; ankung ding laite tungah phiaukawi na tah masak uh huna kipan a nipi kal sagih sim na kipan ding uh hi.

Mangmuhna 14:14

Tua lai takin ka et leh, a kaang van meii ka mu hi. Tua meii tungah mihing tapa tawh kibang mi khat kham kumpilukhu a lu tungah khu-in, phiaukawi hiam tawi-in a tu hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.