Joel 3:12 - Tedim Bible

¹² Minamte hong kithawi hen la, Jehoshafat Kuam-ah hong kuansuk uh hen. Kiimkot-a om minam khempeuhte’ thu khen dingin, Topa ahi keimah, tua munah ka tu ding hi.

Tedim Bible Revision 2017

¹² “Minam dangte hong kithawi henla, Jehoshafat Kuam ah hong kuan suk uh hen. Kimkot ah a om minam dang khempeuhʼ thu a khen dingin Topa ahi keimah, tua munah ka tu ding hi.

Joel 3:12 Iomraidhean Croise

2 KHANG TANGTHU NIHNATE 20:26

A ni li ni-in Berakah kuamah amaute kikhawm uh hi; bang hang hiam cih leh amaute in tua lai-ah Topa phat uh hi; tua ahih ciangin tuni dongin tua mun in Berakah Kuam kici hi.

Late 7:6

Tho in, Topa, hehsa-in thasaan in la, ka galte’ hehna hong dal in; khanglo in, ka Pasian aw, thukhen nading khat na seh khin zo hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Isaiah 22:1

Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.

Isaiah 3:13

Topa in, thu pang dingin thukhenna munah ama panmun hong la a, ama mite thukhen dingin a ding hi.

Ezekiel 30:3

Minamte’ siat nading hun, lungkham meiipi zin’ ding, Topa’ ni hong nai ta hi.

Ezekiel 39:11

Topa in, “Hih thu hong pian’ ni ciangin Israel gam sung Si Tuipi nisuahna lama om khualzin mite’ Kuam a cihna sung teng, a kivui nadingun Gog ka pia ding hi. Gog leh a galkap honpite, tua lai munah kivui ding ahih manin khualzin mite’ lampi khaktan ding a, tua mun pen, ‘Gog’ Galkapte’ Kuam,’ kici ding hi.

Joel 3:14

Thukhenna Kuam-ah, a tul a thenin om uh hi. Bang hang hiam cih leh, tua lai munah Topa’ ni hong tung baih ding hi.

Joel 3:2

Minam khempeuhte kaikhawmin, Jehoshafat Kuam-ah ka paipih ding hi. Ka mihingte tungah a bawlnasa hangun, tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm uh hi.

Micah 4:3

Amah in minam tampite’ thu khensak ding a, Israel gam panin a gamla peka om, minam vangliante’ thu khensak ding hi. Amaute in a namsaute uh lo khawhna tu-in seek ding uh a, a teipite uh singhiang heuhna temkawi-in seek ding uh hi. Minam khat leh khat kido nawn lo ding uh a, gal kidona thei kha nawn lo ding uh hi.

Zekhariah 14:4

Tua ni ciangin Jerusalem nisuahna lama om Oliv Mual tungah Topa’ ding ding hi. Tua ciangin nisuahna lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat, leitaw lamah kikhin ding hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.