Joel 2:26 - Tedim Bible

²⁶ “Tu-in nek ding tampi nei-in na gil uh vah ding a, note’ adingin a lamdang nate a hong bawlsak, Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Tedim Bible Revision 2017

²⁶ Tu-in nek ding tampi nei-in na gil uh vah dinga, note adingin a lamdang nate a hong bawlsak Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Joel 2:26 Iomraidhean Croise

Piancilna 33:11

Nang' kianga hong kipaipih ka letsong nong san’ nadingin hong thum ing, bang hang hiam cih leh Pasian in kei' tungah hehpih mahmahna tawh hong gamta a, a kicing ka nei hi,” ci hi. Tua bangin amah in kun teitei ahih manin amah in zong sang hi.

Nehemiah 9:25

Tua hi a, amaute in kulh nei khuapite leh gam hoihte la uh a, na hoih tampi tawh a kidim innte, suang kikhuak tuibeemte, leenggui lote, oliv lote, leh nek theih singgah kung tampi luah uh hi; amaute in tuate ne-in gilvahin thau uh a, nangma hoihna hangin nuamsa mahmah uh hi.

Late 103:5

Muvanlai bangin ka thahat theih nadingin thupha namkim hong pia hi.

Late 116:7

Lungmuang takin ka om ding hi; bang hang hiam cih leh kei tungah Topa hong thunuam hi.

Late 13:6

Kicing takin nong hehpih manin, Topa, la kong sak ding hi.

Late 22:26

Gimna thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

Late 37:19

siatna hun ciangin amaute kimaizumsak lo a, kial hun ciangin tampi nei uh hi.

Late 67:5

Pasian aw, mite nangmah phat sak in; mi khempeuh nangmah phatsak ta in!

Late 72:18

Nalamdangte a bawl amah bek ahi, Israel Pasian, Topa in thupha ngah ta hen.

Paunak 13:25

Thuman mi in a kham ding nei-in a gil vah a, a gilo mi in nektawm ding nei loin a gil kial hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 29:22

Tua ahih ciangin Abraham a honkhia Topa in Jakob innkuan tawh kisai thu a gen-inah: “Jakob maizum nawn lo ding a, a mai khing nawn lo ding hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Isaiah 54:4

“Lau kei in, maizumna na thuak kei ding hi; cih nading thei loin om kei in, maizumin nang hong kikoih lo ding hi; bang hang hiam cih leh na khangno lai-a na zumhuaina leh meigon’na hanga hong kikonate na phawk kha nawn kei ding hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Siampi Laibu 25:19

Leitang in gah gahin, note in na kham takun ne-in, tua sungah lungmuang takin na teeng ding uh hi.

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Siampi Laibu 26:5

Na cil uh ante lenggah lawh hun dong kimang ding a, leenggah minte in lo pawi hun dong kimang ding hi; note in na kham takun na an uh na ne ding uh a, lungnuam takin na gam sung uhah na teeng ding uh hi.

Micah 6:14

An na nek hangun na kham kei ding uh a, na gil uh kial lai veve ding hi. Nate na koihcing uh hangin phatuam lo ding hi. Galte in tua na koihcing uh nate susia veve ding hi.

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Zekhariah 9:15

Vanglianpen Topa in ama mite hu ding a, ama mite in a galte uh susia ding hi. Galdona sungah, zukham bangin awng gawp ding uh a, a galte uh’ sisan luangsak gawp ding uh hi. Biakna site, biakna tau tungah, hai-a sun tawh kibangin luangsak ding uh hi.

Zekhariah 9:17

Tua thu bangzah takin hoihin nuam ding ahi hiam! Anlim nekna in tangvalte thahatsak ding a, leenggahtui thak dawnna in nungakte thadimsak ding hi.

ROM (Romans) 10:11

“Amah a um mi peuhmah in zumna a thuak kei ding hi,” ci-in Lai Siangtho sungah a kigelh hi.

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

ROM (Romans) 9:33

A kigelhna in: “Ngai un, sui-a kipuk khak na’ng suangpi leh mawhsak na’ng suangpi Zion mual tungah ka koih hi. Tua suangpi a um mi in zumna a thuak kei ding hi,” ahi hi.

Thu-hilhkikna 11:15

Amah in na ganhingte uh adingin na gam sung uhah lopa hong posak ding a, note in zong ne-in na gil uh vah ding hi.

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Thu-hilhkikna 12:18

Topa na Pasian un a teelna munah note leh na tapa leh na tanu, na nasem pasal leh na nasem numei, na khuapi sunga om Levi mite in Topa na Pasian uh mai-ah na ne ding uh hi; na hihna khempeuh uhah Topa na Pasian uh mai-ah na lungdam ding uh hi.

Thu-hilhkikna 12:7

Topa na Pasian uh a omna tua lai munah na ne ding uh a, Topa na Pasian un note thupha hong piakna hangin na hihna khempeuh uhah note leh na innkuanpihte na lungdam ding uh hi.

Thu-hilhkikna 8:10

Note in ne-in na gil uh vah ding a, note tungah gam hoih hong piakna hangin Topa na Pasian uh na phat ding uh hi.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

1 JOHAN MASA 2:28

Ka ta neute aw, Tapa hong pai a, hong kilat ciangin eite in maizumna om loin, lungmuan’na tawh ama kiangah i om theih nadingin ama sungah kipin om un.