Joel 2:24 - Tedim Bible

²⁴ Na ancilna phual uh an tawh kidim ding a, na koihna uh um-le-beel khempeuh, leenggahzu leh sathau tawh kidim ding hi.

Tedim Bible Revision 2017

²⁴ Na ancilna phual uh an tawh kidim dinga, na koihna uh umlebeel khempeuh leenggahzu le sathau tawh kidim ding hi.

Joel 2:24 Iomraidhean Croise

Ezekiel 36:8

Ahi zongin Israel mualtung gamte-ah no ka mi Israelte’ adingin singkungte in teh leh gah hong nei kik ding a, a sawt loin note, inn-ah a hong ciah kik ding na hi uh hi.

Joel 3:13

Amaute gilo mahmah uh ahih manin, anlak huna buh at bangin at gawp un la, leenggahtui dawhna dim letin a luang leenggah cilna kuang sunga om leenggah bangin, tuancil gawp un.

Joel 3:18

Tua hun ciangin mual tung gam khempeuh leenggui lo hi ding a, mual neute khempeuh tungah bawng nawi luang ding a, Judah gam sung khempeuhah tui tampi om ding hi. Topa’ biakinn panin lui tui khat hong luang khia ding a, Shittim kuam khempeuh kawtsak ding hi.

Siampi Laibu 25:19

Leitang in gah gahin, note in na kham takun ne-in, tua sungah lungmuang takin na teeng ding uh hi.

Siampi Laibu 26:10

Note in sau veipi a kikhol a luite ne-in, note in a thak koih nadingin alui na hahsiang masa ding uh hi.

Amos 9:13

Topa in hih bangin ci hi: An a kihauh luat manin, anlak a kizawh ma-in lo khawhkik hun tungin, leenggahte, leenggahzu-a bawl a kizawh ma-in, a suankik hun hong tun’ ding hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu luang ding hi.

Malakhi 3:10

Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.