Joel 2:20 - Tedim Bible

²⁰ Leilu lam panin hong pai mite, note kiang panin sehnel gamah ka hawl khia ding a, a madawkte uh nisuahna tuipi sungah khia-in, a nungdalte uh nitumna tuipi sungah ka khia ding a, amaute in note tungah hong bawlna hangin, a luanghawmte uh uih gawp ding hi. Topa in na lianpite bawl taktak zo hi.

Tedim Bible Revision 2017

²⁰ Leilu lam gam panin a hong pai mite, note kiang panin sehnel gamah ka hawl khia dinga, a madawkte uh nisuahna tuipi sungah khia-in, a nungdalte uh nitumna tuipi sungah ka khia dinga, amaute in note tungah hong bawlna hangin a luanghawmte uh uih gawp ding hi.

Joel 2:20 Iomraidhean Croise

2 KUMPI NIHNATE 8:13

Tua ciangin Hazael in, “Ui a hi lel na nasempa in hih na lian a hih nadingin bang ahi hiam?” a ci hi. Elisha in dawngin, “Nangmah in Siria tungah kumpi na hih ding thu Topa in kei tungah hong lakkhin zo hi,” a ci hi.

Late 126:3

Topa in eite’ adingin na lianpite bawl khin ta a, eite i kipak hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung den’na hi; Izipt gam sungah kauphe khat zong om nawn lo hi.

Paikhiatna 8:14

Amaute in a lom lomin tuate khawm uh a, gamsung teng uih hi.

Isaiah 34:3

A kithat amau’ mite kilawnkhia ding a, a si-luanghawmte uih semsem ding hi; amau’ sisan in mual khempeuh sansak ding hi.

Ezekiel 47:18

“Nisuahna lam gamgi pen, Damaskas leh Hauran gamgi kituahna panin hong kipan sukin, Jordan Gun zuisuk a, Jordan Gun nitumna lam pang Israel gam hi-in, nisuahna lam pang Gilead gam hi a, tua panin Si Tuipi kimang sukin Tamar khuapi ciang hi suk ding hi.

Amos 4:10

Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Zekhariah 14:8

Tua ni hong tun’ ciangin Jerusalem khua panin tuiciim hong luang khia ding a, kimkhat, nisuahna lama om Si Tuipi ah luang ding a, kimkhat, nitumna lama om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.

Thu-hilhkikna 11:24

Na khe un a sikna mun khempeuh nomau’ aa hi ding hi; na gamgi un gamlak panin Lebanon ciang dong leh Gun, Eufrates gun, panin nitumna tuipi dong hi ding hi.