Joel 2:18 - Tedim Bible

¹⁸ Tua ciangin Topa in ama leitang donin, ama mite hehpih hi.

Tedim Bible Revision 2017

¹⁸ Tua ciangin Topa in ama leitang hong donin, ama mite hong hehpih hi.

Joel 2:18 Iomraidhean Croise

2 KUMPI NIHNATE 19:31

bang hang hiam cih leh Jerusalem panin a om laite hong paikhia ding a, Zion Mual panin a suakta honkhat hong paikhia ding hi. Topa’ deihluatna in hih thu hong tungsak ding hi.

Late 103:13

Pa in a tate a hehpih bangin, Topa in amah a zahtakte hong hehpih hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Isaiah 37:32

bang hang hiam cih leh a om laite Jerusalem pan ahi zongin, a suakta teng Zion Mual panin ahi zongin paikhia ding uh hi. Vanglianpen Topa’ deihluatna in hih thu hong tungsak ding hi.

Isaiah 42:13

Mi thahatpa bangin Topa kuankhia a, gal a do mipa bangin ama hanciamna so sak hi; amah kiko-in nakpi takin awng khia a, ama hatna a galte tungah a lak hi.

Isaiah 60:10

Gamdang mite in na kulhte ciangkik ding a, amau kumpite in nangma na hong sem ding uh hi; bang hang hiam cih leh ka hehna tawh nang kong vat gawp khin a, ahih hangin tu-in keima maipha tawh nang tungah hehpihna kong nei khin hi.

Isaiah 63:15

A siangtho, a minthang nangma omna vantung pan a sangna kumpi tokhom panin, hong ensuk in la, hong mu in. Nangma deihna leh nangma vangliatna koi-ah om ta ahi hiam? Na lungduaina leh nong lainatna kote’ adingin kikhaktan ta hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Kah la 3:22

A bei thei lo Topa hong itna leh a hehpihna in a kizom paisuak hi a,

Zekhariah 1:14

Vanglianpen Topa in ama tungah a gensa thute keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.

Zekhariah 8:2

amah in, “Jerusalem mite ka it luatna hangin Jerusalem khuapi ka huh nuam mahmah a, hih ka it luatna in a galte tungah ka heh hong suaksak hi.

Luka 15:20

Tua lai takin tho a, a pa kiangah va ciah hi. Ahih hangin inn pan gamlapi-ah a om lai takin a pa in mu a, hehpihhuai sa-in delh meengmeeng a, a ta ngawngkawi-in a nam hi.

Thu-hilhkikna 32:16

Amaute in pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Thu-hilhkikna 32:36

Bang hang hiam cih leh amaute’ vang a beina leh sila leh sila a hilote’ a beina a muh ciangin Topa in a mite’ dikna kilangsak ding a, ama nasemte tungah hehpihna nei ding hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Jeim 5:11

En un, a thuak zo mite in thupha a ngah mite a hi uh ci-in i gen hi. Job’ thuakna thu na za zo uh hi. Pasian in ama thu a zawh khit ciangin a hehpih theih mahmahna thu zong na thei zo uh hi.

Thukhente 10:16

Tua ahih ciangin amaute in amau’ lak panin gamdang pasiante koih khia-in Topa’ na sem uh hi; tua ciangin Israelte’ gentheihna-ah amah dah hi.