Joel 2:17 - Tedim Bible

¹⁷ Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Tedim Bible Revision 2017

¹⁷ Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Joel 2:17 Iomraidhean Croise

1 KUMPI MASATE 6:3

Biakinn mai-a innlim in inn zaina zahin tong sawmnih sau a, inn mai lamah tong sawm sang hi.

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

2 KHANG TANGTHU NIHNATE 7:20

note tungah kong piaksa leitang panin note kong botkhia ding hi; tua ciangin ka min dingin ka apsa hih inn ka muhna panin ka lawnkhia ding a, mi khempeuh lakah paunak leh gentehna ka suaksak ding hi.

2 KHANG TANGTHU NIHNATE 8:12

Tua ciangin sabbath nite, khadet nite, leh kum simin a kinei pawi thum—silngo sawh loh anlum pawi, nipi kal pawi, biakbuk pawite’ adingin Moses’ thupiakna tawh kizui-in ni simin piakna nasep ding a kisam ahih mah bangin innlim mai-a a lam Topa’ biakna tau tungah Solomon in meihal biakna Topa tungah pia hi.

Nehemiah 9:36

Tu-in kote sal ka hi uh hi; ka pu ka pate un a leitang pan-a piangte ne-in a na hoih khempeuhte nuam tak-a a ngah nadingun na piak gam hih lai munah kote sal ka hi ta uh hi.

Late 115:2

Bang hangin minamte in, “Amaute’ Pasian koi-ah om ahi hiam?” ci laizang ding ahi uh hiam?

Late 42:10

Ka langte in kei tungah, “Na Pasian koi-ah om ahi hiam?” hong cihcih sung teng, ka sungah meima nai tawm bangin hong tum ngangngang hi.

Late 42:11

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phatkik na ding hi.

Late 42:3

Mite in keima tungah, “Na Pasian koi-ah om hiam?” hong cihcih sung teng, sun leh zanin ka khitui an-in ka nei hi.

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Late 79:10

“Amau’ Pasian koi-ah om hiam?” minamte in a cih ding bang hangin kilawm ding ahi hiam? Na nasemte’ sisan luangkhia phulakna pen, minamte’ lak, komau’ muhna-ah kitheisak in!

Late 79:4

Kote in ka vengte uh’ zahko, ka kim uh-a omte’ ko leh nuihsat ka suak khin uh hi.

Late 89:41

A pai khempeuh in ama nate sutgawp uh a, amah pen a vengte’ nuihsat a suak hi.

Paikhiatna 34:9

Amah in, “Tu-in na muhna-ah maipha ka muh leh, Topa aw, kong thum hi, lungkhauh mite ka hita zongun kote' kiangah Topa hong pai in; kote’ mawhna leh kote’ khialhna hong maisak in la, nangma' luah dingin kote hong la in,” a ci hi.

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Ezekiel 8:16

Tua ciangin biakinntual sungnung ah hong paipih hi. Tua lai-ah biakinn kongkhak gei, biaknatau leh innlim kikal san-ah mihing sawmnih leh nga khawng na om a, biaknatau nung ngatin nisuahna lam nga-in ni suak tuung na bia uh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Joel 1:9

Topa’ inn-ah biakna-a piak ding an leh leenggahzu om nawn lo a, Topa’ na a sem siampite thuumin tau uh hi.

Amos 7:2

Kauphe in gamsung lopate a gaih khit ciangin, keimah in Topa tungah ka thuum a, “Topa Pasian aw, na mihingte’ mawhna maisak in. Amaute minam tawm hi-in zawngkhal uh ahih manin bangci thuak zawh ding uh ahi hiam?” ka ci hi.

Amos 7:5

Tua ciangin Topa Pasian kiangah ka thuum a, “Topa aw, khawl dih in. Na mite, minam tawm hi-in zawngkhal mahmah uh ahih manin, amaute in bangci thuak zawh peuhmah ding uh ahi hiam?” ka ci hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Malakhi 1:9

Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.

Gamlak-vakna 25:6

En in, kikhopna buk kongah amaute kapin a om laitak, Moses’ muhna leh Israel mihon buppi’ muhna ah Israel mite khat hong pai-in Midian numei khat ama innkuanpihte kiangah hong ciahpih hi.

Mattiu 23:35

Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Mattiu 27:43

Amah in Pasian a muang hi. Pasian in amah a deih leh, tu mahmahin amah hong gum ta hen. Bang hang hiam i cih leh, amah in, ‘Pasian’ Tapa ka hi hi,’ a ci hi,” ci-in a zahko uh hi.

Thu-hilhkikna 28:37

Topa in note hong paikhiatpihna mite lakah a cikzet-huai, paunak, leh ciamnuihna na suak ding uh hi.

Thu-hilhkikna 32:27

amau’ langte in ngaihsun khialin, amaute in, “Eite i gualzo hi, Topa in hihte khempeuh bawl lo hi,” hong ci kha ding uh ahih manin galte’ hong phin ding ka lau hi,’ a ci hi.

Joshua 7:9

Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.