Joel 2:14 - Tedim Bible

¹⁴ Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Tedim Bible Revision 2017

¹⁴ Topa, eiteʼ Pasian in a lungsim hong kheelin an hauhsakna tawh thupha hong pia kha ding hi. Tua hileh ama tungah an le leenggahzu tawh biakna i pia thei ding hi.

Joel 2:14 Iomraidhean Croise

2 SAMUEL NIHNA 12:22

Amah in, “Naungek a hin’ lai-in an tangin ka kap hi; bang hang hiam cih leh, “Naungek a hin’ nadingin Topa in kei hong hehpih ding hiam hong hehpih lo ding hiam cih kua in thei ahi hiam?” ka ci hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

Paikhiatna 32:30

A zing ciangin Moses in mite kiangah, “Note in khialhna lianpi khat na bawl khin uh hi. Tu-in Topa' kiangah kei ka pai ding hi; note’ khialhna thu-ah kilemna ka va bawl thei kha ding hi,” a ci hi.

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

Jeremiah 18:8

tua ka gen sa minam leh gam in a siatna panin a kihei kik leh, ama tung-a siatna tun’ sak ding-a ka seh sa pen ka kisikkik ding a, ka tungsak nawn kei ding hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Jeremiah 26:3

Amaute in na thu gen hong ngai-in, a gitlohna uh pan a kihei kha thei ding uh hi. Tua hi leh amau’ gitlohna hanga amau suksiat ding a, ka ngaihsut sa ka khelkik ding hi.

Joel 1:13

Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Joel 1:16

Eima mit muh mahmahin lo ante kisusia a, eite’ Pasian’ inn sungah lungdamna bei ta hi.

Joel 1:9

Topa’ inn-ah biakna-a piak ding an leh leenggahzu om nawn lo a, Topa’ na a sem siampite thuumin tau uh hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Haggai 2:19

Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.

2 TIMOTI NIHNA 2:25

A kam a nial mite in thuman a theih nadingun Pasian in kisikkikna pia kha ding a, Dawimangpa in ama deihna zui dingin thangsiah-a a awk mite phawkin, tua awkna pan suahtakna a ngah khak theih nadingun lungnemna tawh thuhilh mi ahi ding hi.

Joshua 14:12

Tua ahih ciangin tu-in tua ni-a Topa’ gen hih mualtung gam kei hong pia in; bang hang hiam cih leh Anak mite a muanhuai mahmah khuapite sungah a omna thu tua ni-in na za hi: Topa in kei hong ompih hi, Topa' cih bangin amaute ka hawlkhia zo kha ding hi,” a ci hi.

1 SAMUEL MASA 6:5

Tua ahih ciangin note in na gamsung uh hong sugawp na uilut limte uh leh na simbeng limte uh bawlin, Israelte’ Pasian’ tungah zahtakna na lak ding uh hi; note leh na pasiante uh leh na gam uh tungah amah in hong gawtna hong zangsak kha ding hi.