Joel 2:13 - Tedim Bible

¹³ Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Tedim Bible Revision 2017

¹³ Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Joel 2:13 Iomraidhean Croise

Piancilna 37:29

Reuben dum-ah pai kikin dum sungah Josef a om lohna a muh ciangin, amah in a puan balkeek a,

Piancilna 37:34

Tua ciangin Jakob' in ama' puan balkeekin, a kawng-ah puanhampi teng a, a tapa' hangin ni tampi sung kap hi.

2 SAMUEL NIHNA 1:11

Tua ciangin David in ama puante lenin balkeek hi; amah tawh a om mite khempeuh in tua mah bangin hih uh hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin vak kawikawi hi.

2 KUMPI NIHNATE 22:11

Kumpipa in thukham laibu sunga thute a zak ciangin dahna hangin a puante balkek hi.

2 KUMPI NIHNATE 22:19

amaute gamkhing leh samsiatna a ngahte a suah nadingin hih mun leh a tungah a teeng mite tungah ka kam pauna na zak ciangin na lungsim kisikin Topa mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

2 KUMPI NIHNATE 5:7

Israel kumpipa in a laikhak a sim ciangin amah in a puante balkekin, “Mi khat a phakna damsak dingin hih mipa in kei tungah hih thu hong puak nadingin a that ding leh a nungtasak dingin keimah in Pasian ka hi hiam? Ngaihsun dih un la, kei tawh kitot nading a zon’na thei un,” a ci hi.

2 KUMPI NIHNATE 6:30

Kumpipa in numeinu’ thugente a zak ciangin ama puante balkek hi—tu-in amah kulh zangah pai hi—mite khuadak uh a, en in, amah in puanhampi a sung lamah silh hi—

2 KHANG TANGTHU NIHNATE 6:27

amaute a pai nading lampi hoih hih in la, vantung panin za-in na nasemte, na mi Israelte’ khialhna maisak in; tua ciangin na mite tungah gamh-in na piak na leitang tungah guah zusak in.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi; amaute lung khauh niloh uh a, a salsuahna uh Izipt-ah a paipih kik dingin makai khat seh uh hi. Ahi zongin nang in mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

JOB (Job) 1:20

Hih thu a zak ciangin Job dah lua-in a puan balkek a, tua ciangin a sam met khia-in lei lakah bok sukin Pasian bia hi.

Late 103:8

Topa dik-in hehpihna tawh kidim a, heh hak-in, a lian mahmah itna kip tawh kidim hi.

Late 106:45

Amaute ading a ngaihsutna-in ama thuciamna a phawk a, ama itna kip lianpi tawh kizui-in a kolsak hi.

Late 34:18

Lungsim kitamzante kiangah Topa om a, lungsim zan-gawpte hon hi.

Late 51:17

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Late 86:15

Ahih hangin Topa aw, nangmah in a hehpih thei, a dik Pasian na hi a, heh hak-in, itna kip leh thumanna tawh a kidim na hi hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 58:5

Maugua kun bangin na lu uh kunsakin, puanhampi leh vut tungah lumin, nomau na kiniamsak tawmnate uh kei’ deih antan’na sa na hi uh hiam? Hih bang hihna pen antan’na leh Topa’ san’ theih hi ci ding na hi uh hiam?

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Jeremiah 41:5

Shekhem, Shiloh leh Samaria khuate panin mi sawmgiat hong pai uh hi. Amaute in a khamul uh metin a puan uh bal kek-in, a pumpi uh a kikui gawp sa-in Topa’ biakinn ah an tawh biakna leh paknamtui tawh biakna a piak ding uh hong tawi khawm uh hi.

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Jonah 3:9

Eite i sih loh nadingin Pasian kisik kik-in a hehna damsak lo ding hi, kua in ci thei na hi uh hiam?” a cisak hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Nahum 1:3

Topa a lungduai mahmah a, a vang zong lian a, ahih hangin mimawhte khahkhong ngei lo hi. A paina peuhpeuh ah huihpi nungin, pingpei kipei a, ama paina hanga leivui leeng in meiipite ahi hi.

Gamlak-vakna 14:18

Tu-in, nang tungah hong thuum ing, nangmah in thuciamin, ‘Topa heh hak a, a itna kip lianin, mawhna leh thu palsatna maisak a, ahih hangin a mawhte siangsak ngei loin, pate’ mawhna tate tungah, khang thum khang lina dongin thuk hi,’ na cih mah bangin Topa’ vangliatna liansak in.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Efesa 2:4

Ahih hangin hehpihna tawh kidim Pasian in eite hong it phat maninah,

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,