Joel 1:2 - Tedim Bible

² Ngai un, no a khangham zawdiakte aw, na bil uh ngat un, Judah gam mi khempeuh aw, Note’ khan’ sung ahi a, na pu na pate uh khan’ sung ahi zongin, hih bang thu piang ngei peuhmah ahi hiam?

Tedim Bible Revision 2017

² No khangham zaw diakte aw, ngai un; Judah gam mi khempeuh aw, na bil uh ngat un. Noteʼ khan sung ahi a, na pu na pate uh khan sung ahi zongin, hih bang thu piang ngei peuhmah ahi hiam?

Joel 1:2 Iomraidhean Croise

JOB (Job) 12:12

Khanghamte in pilna nei a, nuntak saute in thu thei tel uh hi.

JOB (Job) 15:10

Na pa’ pian’ ma-a piang puteek samkangte tung panin kote in ka pilnate uh ka ngah uh hi.

JOB (Job) 21:7

Bang hangin Pasian in migilote khan’to sak a, hau sakin liansak ahi hiam?

JOB (Job) 8:8

“Khangluite thu kantel in la, pute pate’ tuahsa thute ngaihsun in.

Late 49:1

Hih thu za un, mi khempeuh aw! Ngai un, leitung a teeng khempeuh,

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Hosea 4:1

Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.

Joel 2:2

Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Amos 5:1

Israel mite aw, kap kawm-a kong thugenna, lim takin na ngai un:

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,

Micah 3:9

Ngai un! Israel a uk makaite aw, Note in thutang deih loin, thuman kimlai a khialin na hei uh hi.

Mattiu 13:9

Zak nading bil a nei teng in za ta un!” a ci hi.

Mattiu 24:21

Bang hang hiam na cih uh leh, lei a pian’cil pan akipan tudongin a piang ngei lo, a nung ciang a piang nawn lo ding gimna lianpi tua lai takin a piang ding hi.

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”