Joel 1:18 - Tedim Bible

¹⁸ A gilkial tuu leh bawngte cimawhin ham uh a, lonona mun om nawn lo ahih manin ganhing honte cimawh uh a, tuuhonte in zong haksatna thuak uh hi.

Tedim Bible Revision 2017

¹⁸ A gilkial tuu le bawngte cimawhin tau uh a, lo nona mun om nawn het lo ahih manin ganhing honte cimawh uh a, tuuhonte in zong haksatna thuak uh hi.

Joel 1:18 Iomraidhean Croise

1 KUMPI MASATE 18:5

Tua ciangin Ahab in Obadiah kiangah, “Gamsung ciktui omna khempeuh leh kuam omna khempeuh ah va pai in; lopa mu-in sakolte leh la-sakolte i hin’ suah zo kha ding a, ganhingte pawlkhat i sumh kei ding hi,” a ci hi.

1 KUMPI MASATE 8:5

Ama mai-ah a kikhawm Kumpi Solomon leh Israel mihonte khempeuh thuciamna singkuang mai-ah amah tawh omin, tuu leh bawngtalte biakna-in tampi tak pia uh ahih manin tuate kiseh thei lo, a phazah kisim zo lo hi.

Jeremiah 12:4

Ka gam bang tanvei a thuum ding hiam? Mun khempeuhah lopate bang tan vei a keu ding hiam? A teeng mite’ gitlohna hangin, gamsate leh vasate a mangthang sak khin uh hi. Bang hang hiam cih leh amau in, “I gamtatnate Pasian in hong mu kei ngawn,” a ci uh hi.

Hosea 4:3

Tua ahih ciangin leitang keugaw-in a tunga teeng khempeuh tawh si ding a, leitunga om gamsa khempeuh leh huih lak a, leeng vasa khempeuh tawh si mang ding uh a, tuipi sunga om ngasate nangawn si mang ding hi.

Joel 1:20

Lui tui khempeuh kangcip khin a, mei kattum bangin lonona khempeuh keucip ahih manin, nangma tungah gamsate nangawn hong kiko uh hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin, lonona gam teng keugawp a, Karmel mual dawn dum dide teng kausan ta hi,” a ci hi.

Habakkuk 3:17

Thei gahte hut khin a, leengguite a gah kei zongin, olive kungte gah lo a, lo-ah an a piang kei zongin, tuu khempeuh si khin a, ganbuk khempeuh a hawm khin zongin,

Haggai 1:10

Tua thu hangin guah zu lo a, leitang panin bangmah khangkhia zo lo hi.

ROM (Romans) 8:22

Bang hang hiam na cih uh leh, a kipiangsak nate khempeuh in tu dongin a tau uh a, gimna thuakin a om uh i thei hi.