Joel 1:13 - Tedim Bible

¹³ Siampite aw, puanhampi silhin kap un la, biakna tau-a nasemte aw, thum un. Ka Pasian’ na a semte aw, biakinn sungah tum un la, zan thapai-in dahna lim puanhampi silh un. Note’ Pasian’ inn sungah piak ding, an leh leenggahzu om nawn lo hi.

Tedim Bible Revision 2017

¹³ Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Joel 1:13 Iomraidhean Croise

2 SAMUEL NIHNA 12:16

Tua ahih ciangin David in naungek adingin Pasian tungah thum hi; David in an tangin pai-in zan tawntung lei lakah lum hi.

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin vak kawikawi hi.

Isaiah 22:12

Tua ni ciangin Vanglianpen Topa Pasian in kahna leh thuumna, sam mettolna leh puanhampi silh ding thu hong pia hi;

Isaiah 61:6

ahih hangin note pen Topa’ siampite hong kici ding a, mihingte in note pen i Pasian’ nasemte ci-in hong gen ding uh hi; minamte’ hauhna note in na ne ding uh a, amau’ hauhna note in na kisaktheihpih ding uh hi.

Jeremiah 4:8

Tua ahih manin ippi puan silh un la, tau-in kap un; bang hang hiam cih leh Topa’ hehna lauhuaipi eite’ kiang pan kiheikhia nai lo hi.

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Ezekiel 21:12

Ezekiel aw, awng in la, kiko in, hih namsau pen, ka mihingte leh Israel makai khempeuh a kisawmna ahi hi. Amaute pen, ka mite khempeuh tawh, a kithat khawm ding uh hi. Dahna tawh na dip hum in.

Ezekiel 27:31

Nangma hangin a lu uh mettol uh a, dahna limin puanhampi silh uh a, na sa lua-in kap uh hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Hosea 9:5

A kiseh pawi hunte leh Topa’ pawi hun hong tun’ ciangin bang cih ding na hi uh hiam?

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Joel 2:17

Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Gamlak-vakna 28:14

Leenggahzu tawh a biaknate in, bawngtal khat ciangin leenggahzu thawl lang, tuutal khat ciangin leenggahzu thawl khat sehthum suah sehkhat tuuno khat ciangin leenggahzu thawl khat sehli suah sehkhat hi ding hi; hih in kum khat sunga om kha simin meihal biakna ahi hi.

Gamlak-vakna 28:4

Tuuno khat zingsangin na pia ding uh a, tuuno khat pen nitakin na pia ding uh hi;

Gamlak-vakna 28:7

Leenggahzu tawh a biakna pen tuuno khat ciangin thawl khat sehli suah sehkhat hi ding hi; Topa’ tungah leenggahzucil tawh biakna pen siangtho munah na sung ding uh hi.

Gamlak-vakna 29:6

a khasim meihal biakna leh an tawh a biakna, leh a kitatsat lo-a meihal biakna leh an tawh a biakna, leh tuate ading ngeina a om bangin a gim namtui, Topa tungah mei tawh kihal biakna ahi leenggahzu tawh a biaknate banah hi ding hi.

1 KORIN MASA 4:1

Khazih’ sawltakte bang leh Pasian’ thuthuk a kemte bangin midangte in kote hong ciamteh uh hen.

1 KORIN MASA 9:13

A siangtho nate a semte in biakna innpi panin an a ne uh hi. Biakna tau na a semte in biakna tau tawh kipawlin an a ngah uh thei lo na hi uh hiam?

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

2 KORIN NIHNA 3:6

Pasian sungah kihih khinzo bek ahih mah bangin kiciamna thak’ nasemte suah zawh nading siamna Pasian in kote hong pia hi. Tua bang ka cih ciangin Thuciam lui thu cihnopna hi lo, Kha Siangtho thu cihnopna hi. Bang hang hiam na cih uh leh, Thuciam lui thu in hin’na a that thei hi, Kha Siangtho thu in a hingsak thei hi.

2 KORIN NIHNA 6:4

Bawlsiat thuakna, zawn’khal thuakna, a kipelh zo lo gimna thuakna,

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.