Joel 1:12 - Tedim Bible

¹² Leengguite keu a, theikungte vuai ta hi. Mang kawlsingte, nisuhte, leh apple kungte-a kipan, singkung khempeuh keu mang khin hi. Mihingte’ lungdamna teng zong maimang ta hi.

Tedim Bible Revision 2017

¹² Leengguite keu a, theikungte vuai ta hi. Mang kawlsingte, nisuhte, epel kungte a kipan singkung khempeuh keu mangkhin hi. Mihingte a lungdamna ding teng zong a maimang ta hi.

Joel 1:12 Iomraidhean Croise

Late 4:7

Amaute in an leh leenggahtui a hauh cianga a nuam uh sangin nuamna lianzaw ka lung sungah nong guan hi.

Late 92:12

Thuman mi in nisuh kung bangin palh a, Lebanon mual tunga taamtaak kung bangin a khang hi.

Solomon la 2:3

Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

Solomon la 4:13

Tua huan sungah singkungte hoih takin khang a, mangkawlsing cin’na huan tawh kibang hi. Singgah limcipente tua lai-ah gah a, henna leh nard sing namtuite a po hi.

Isaiah 16:10

An tampi a pian’ ngeina lo lai-ah lungdamna leh nuamna om nawn lo hi; leenggui lote sungah lasakna om lo a, lungdam-a kikona om nawn lo hi; leenggah cilna ah kuamah in leengtui suk lo hi; leenggah lawh cianga kikona aw kidaisak ta hi.

Isaiah 24:11

Leenggahzu a duh manun kongzing ah mite kiko uh hi; lungdamna khempeuh lungkhamna suak a, leitung kipahna kibeisak ta hi.

Isaiah 24:7

Leengguite vulin, leenggahzu kang a, a lungdam mi khempeuh khuisa ta uh hi.

Isaiah 9:3

Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Jeremiah 48:3

“Ngai dih un! Horonain khua-ah mi kiko veh! ‘Ngongtatna leh siatna lianpi!’ ci uh hi.

Jeremiah 48:33

Lei hoih mahmah Moab gam panin lungdamna leh kipahna kila khia ta hi. Leenggah cilna panin leenggahtui ka luang khiasak nawn kei a, lenggah cil-in kuamah lungdamin a kiko nawn kei hi; a kikona uh lungdam kikona hi lo hi.

Joel 1:10

Lo ante kisusia a, leengguite keutum a, oliv kungte keugaw ahih manin, lo lai-ah bangmah om nawn lo a, leitang lungzuangin thuum hi.

Joel 1:16

Eima mit muh mahmahin lo ante kisusia a, eite’ Pasian’ inn sungah lungdamna bei ta hi.

Jonah 4:7

Ahih hangin a zingsang khuavak ciangin Pasian in tua umgui lungno khat nesak-a a keu hi.

Haggai 2:19

Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.

Malakhi 3:11

Lo panin a piang na ante uh, kauphe ka nesak nawn kei ding a, na leenggui uh gah pha mahmah ding hi.

Gamlak-vakna 13:23

Amaute Eshkol Kuam tung uh a, tua lai panin leenggah bawk khat bek a hiang tawh lo-in, mi nih in zawl khat-in zawng uh hi; amaute in mang kawlsing leh thei zong tawm khat pua uh hi.