Jeremiah 7:3 - Tedim Bible

³ A vanglian Topa, Israel mite’ Pasian in hih bangin hong ci hi. Na nuntakzia uh leh na gamtatnate uh kikhel un. Tua hi leh hih munah kong teengsak bek ding hi.

Tedim Bible Revision 2017

³ Vanglian Topa, Israel miteʼ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.

Jeremiah 7:3 Iomraidhean Croise

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

Ezra 10:11

Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Jeremiah 17:25

na kumpite uh leh na uliante un David’ neih bang kumpi vangliatna a nei ding uh hi. Amaute in Judah mite leh Jerusalem khua mite tawh sakol leeng leh sakolte’ tungah tuangin hih khua kongpite-ah hong lut ding uh a, hih khuapi-ah zong mi a teeng tawntung ding hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 18:8

tua ka gen sa minam leh gam in a siatna panin a kihei kik leh, ama tung-a siatna tun’ sak ding-a ka seh sa pen ka kisikkik ding a, ka tungsak nawn kei ding hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 35:16

Rakhab’ tapa Jonadab’ tate in a pa uh’ thupiakna a man’ uh hangin hih mite in ka thu hong mang lo uh hi.

Jeremiah 4:1

Topa in, “Israel mite aw, na kilehkik uh leh kei’ kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh leh,

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.