Jeremiah 41:9 - Tedim Bible

⁹ Ishmael in a thah sa misi luang khempeuh a paihna tuikhuk pen a gol khat hi a, kumpipa Asa in Israel kumpipa Baasha a gal nan’ nading a, a bawl ahi hi. Nethanniah’ tapa Ishamael in a thah sa mi si luangte tawh tua tuikhuk a dimsak hi.

Tedim Bible Revision 2017

⁹ Ishmael in a thah sa misi luanghawm khempeuh a paihna tuikhuk pen a gol khat hi a, kumpipa Asa in Israel kumpipa Baasha a nan nadingin a bawl ahi hi. Nethaniahʼ tapa Ishmael in a thah sa misi luanghawmte tua tuikhuk a dimsak hi.

Jeremiah 41:9 Iomraidhean Croise

2 SAMUEL NIHNA 17:9

En in, tu nangawnin amah dum khat sungah ahi a, mun dang khatah ahi zongin bu khin ding hi. Kisim cilna-ah mi pawlkhat a tuk ciangin tua thu a za mi peuhpeuh in, ‘Absalom a zui mite lakah sihna om khin hi,’ ci ding hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

Thukhente 6:2

Israelte tungah Midiante gualzo hi; Midiante hangin Israel mite in amau adingin mual tungah a om bukna munte, leh leihawmte leh mun muanhuaite bawl uh hi.

Hebru 11:38

Hih leitung in tua mite tawh kilawm lo hi. Amaute in gamlak, mual kuam, leihawm, ken hawm sungah a lal kawikawi, a vak kawikawi uh hi.

1 SAMUEL MASA 24:3

Lam gei-a tuu-khawk a omna ah pai hi; tua gei-ah leihawm khat om a, awng hawh dingin tua sungah Saul pai hi. Tu-in David leh a mite leihawm tawngnung sungah na tu uh hi.

1 SAMUEL MASA 14:22

Tua mah bangin, Filistiate a taina thu Efraim mual tung gam-a a bu Israel mite khempeuh in a zak uh ciangin amaute in zong gal phualah nakpi takin amaute nung delh uh hi.

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi; Filistiate in, “En un, a bukna uh leivang panin Hebru mite hong pusuakkhia uh hi,” a ci uh hi.

Isaiah 14:19

ahih hangin nang pen, namsau tawh a kithat misite tawh na kituam a, Suanghawmpi sunga a paisukte, khe tawh a kisikcip si luang hawmte bangin, na hankhuk pua lamah hong kilawnkhia hi.