Jeremiah 3:2 - Tedim Bible

² Khuadak in la, mualsang dawnte en dih in! Hong kilup khoppih lohna mun koi lai takah om ahi hiam? Arab mite in a suam dingun gamlakah mi a ngak uh bangin nang in lam geiah tu-in luppih ding mi na ngak hi. Na paktatna leh na gitlohna tawh hih gam na ninsak zo hi.

Tedim Bible Revision 2017

² Khuadak inla mual sang dawnte en dih in. Hong kilup khop pih lohna mun koi laitak ah om ahi hiam? Arab mite in a suam dingun gamlak ah mi a ngak uh bangin lam gei ah tu-in na luppih ding mi na ngak hi. Na paktatna le na gitlohna tawh hih gam na ninsak zo hi.

Jeremiah 3:2 Iomraidhean Croise

Piancilna 38:14

a meigong numei puan suahkhia-in, a kituamna silhin amah kituam a, Timnah paina lampi gei-a Enaim paina munah na tu hi; bang hang hiam cih leh Shelah a khang cing khin a hihna amah in mu a, ahi zongin amah tawh kitengsak nai lo hi.

1 KUMPI MASATE 11:3

Amah in kumpi tanute, zi zasagih, leh zineu zathum nei hi; tua ciangin a zite in ama lungsim heikhia uh hi.

2 KUMPI NIHNATE 23:13

Tua ciangin Israel kumpipa Solomon in Sidon mite’ kihhuaina Ashtoreth’ ading, leh Moabte’ kihhuaina Khemosh’ ading, leh Ammon mite’ kihhuaina Milkom’ ading a lam, Jerusalem nisuahna lam Oliv Mual leitaw lam-a om mual tunga biaknate kumpipa in susia hi.

Late 106:38

amaute in, Kanaan gam milimte a biakna-un, mawhna nei lo a tanute uh leh a tapate uh that uh a, hih mi thahna hangin gamsung a nin a suak hi.

Paunak 23:28

Gutate bangin nang hong buksim a, mi tampi tak siasak uh hi.

Paunak 7:11

Tua numei in maizumna mel thei loin a hang mahmah hi a, lamdung tengah vak tawntung hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Jeremiah 2:7

Singgah leh a hoih nate na nek theih nadingun an tamna munah kong tun’pih hi. Ahih hangin no nong pai uh ciangin ka gam na nin sak uh a, ka neihsa gam a kihhuai mun na suak sak tazen uh hi.

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 3:21

Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Jeremiah 3:9

Tua bang hih ding amah in baih ngaihsut lel ahih manin suangtum leh singtawng peuh bia-in a khial a, gam a ninsak hi.

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Ezekiel 16:16

Na puan pawl khatte, na biakna mun zep nadingin na zang a, numei paktat bangin mi citeng tungah na pumpi na pia hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Thu-hilhkikna 12:2

Na suankhiat ding uh minamte in amau’ pasiante’ na sepna uh mualsangte tung leh mualneute tung leh singniim nuai, mun khempeuh na susia taktak ding uh hi;