Jeremiah 26:3 - Tedim Bible

³ Amaute in na thu gen hong ngai-in, a gitlohna uh pan a kihei kha thei ding uh hi. Tua hi leh amau’ gitlohna hanga amau suksiat ding a, ka ngaihsut sa ka khelkik ding hi.

Tedim Bible Revision 2017

³ Amaute in na thugen hong ngai-in, a gitlohna uh pan kihei kha thei ding uh hi. Tua hileh amauʼ gitlohna hanga amaute suksiat dingin ka ngaihsut sa ka kheelkik ding hi.

Jeremiah 26:3 Iomraidhean Croise

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin vak kawikawi hi.

1 KUMPI MASATE 21:29

“Keima mai-ah bangzahin Ahab a kiniamkhiatna na mu hiam? Keima mai-ah amah kiniamkhiat ahih manin ama hun sungin siatna ka tungsak kei ding hi; ahih hangin a tapa’ hun sungin ama innkuan tungah siatna ka tungsak ding hi,” a ci hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Jeremiah 26:19

Judah kumpipa Hezekiah leh Judah mi khempeuhte in amah that zenzen uh ahi hiam? Kumpipa in Topa zahtakin Topa’ pahtak ding a nget ciangin Topa in zong amau’ tunga siatna tun’sak dinga a gensa khelkik zaw hilo ahi hiam? Ahih hangin eite in eite’ tungah siatna lianpi khat i tungsak dekdek hi,” a ci uh hi.

Jeremiah 36:3

Judah mite in amau tunga tun’sak dinga ka ngaihsut siatna khempeuh za-in mi khempeuh in a siatna lampi-uh panin kiheina-in a nei kha thei ding uh a, keimah in zong amau’ khialhna leh amau’ mawhnate ka maisak kha thei ding hi,” a ci hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Ezekiel 12:3

Ezekiel aw, tu-in galtai dingte’ gamtat bangin na van puak ding guang in la, suntangpi-in paikhia in. Na omna panin na paikhiat lam mi khempeuh musak in. A lehdo thei mi ahih tei hangun a thu thei thei kha ding uh hi.

Ezekiel 18:21

“Mi gilo khat in a mawh bawlna khawlin ka thukham zui hen la, a hoih a manin gamta leh, tua mipa si lo ding hi; pel loin nungta ding hi.

Hosea 11:9

Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.