Jeremiah 21:6 - Tedim Bible

⁶ Hih khuapi sunga teengte a mi a sa ci loin ka thatlum ding a, pulnatna tawh a gam khin ding uh hi.

Tedim Bible Revision 2017

⁶ Hih khuapi sungah a teengte a mi a sa ci loin ka that lum dinga, pulnatna tawh a bei khin ding uh hi.

Jeremiah 21:6 Iomraidhean Croise

Piancilna 6:7

Tua ahih ciangin Topa in, “Ka piansaksa mihing, ganhing, a bokvak ganhingte leh huih lak vasate, lei maitang panin ka phiatkhia ding hi, bang hang hiam cih leh amaute ka bawl ka khial hi,” ci hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Jeremiah 20:4

Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Jeremiah 33:12

“A vanglian Topa in kong cih-inah, mihing ganhing om lo-a mun awng ahi hih mun leh a khuapi khempeuhte ah tuucingte in tuu cing a, a teen’ theih nading mun hong om ding hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Ezekiel 12:16

Ahi zongin gal sung, kialpi leh natna sung panin tawm khat ka suaktasak dinga minam dangte’ lak-a a omna mun panun a gamtatnasate uh a muhdahhuaina phawkin, keimah in Topa ka hihna thu hong thei ding uh hi,” hong ci hi.

Ezekiel 14:13

“Ezekiel aw, gam khatpeuh peuh in khialhna bawlin kei tungah hong thuman kei leh keimah in a annek ding teng uh ka susia ding hi. Kialpi tungsakin a mihing a ganhing-in ka siasak ding hi.

Ezekiel 14:17

Tua gam sungah gal tungsakin, mihing ganhing a siaksiang dingin a husia galhiamte kizang leh,

Ezekiel 14:19

Tua gamah pulpi tungsakin, ka hehna tawh mihing ganhing sisak leng,

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Ezekiel 33:27

Amaute kiangah hih bangin gen in: Keimah in a nungta Topa Pasian ka hih mah bangin, khuapi siate sunga teeng mite gal-in si ding uh a, khuaneu-a teeng mite khempeuh gamsate in ne ding uh hi. Dum muanhuai sung leh leihawm sunga bute khempeuh pulnatna tawh si ding uh hi.

Ezekiel 33:29

A mawhna hangun a mite daan pia-in, a gam uh gamkhing ka suahsak ciangin keimah in Topa ka hihna thu hong thei ding uh hi.

Ezekiel 7:15

Khua pua lamah gal kidona om a, khua sungah cinatna leh gilkialna om hi. Gamlak-a om mi khempeuh gal sungah si ding uh a, khua sunga om khempeuh cina leh gilkialin si ding uh hi.

Hosea 4:3

Tua ahih ciangin leitang keugaw-in a tunga teeng khempeuh tawh si ding a, leitunga om gamsa khempeuh leh huih lak a, leeng vasa khempeuh tawh si mang ding uh a, tuipi sunga om ngasate nangawn si mang ding hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Zefaniah 1:3

Mihing leh ganhing, van-a leeng vasa leh tui sunga ngasa, a vekpi-in ka susia ding hi. Mi gilote ka susia ding a, leitunga om mihing khempeuh ka susia ding hi. Topa ahi keimah in hih thu ka gen khin hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”