Jeremiah 21:5 - Tedim Bible

⁵ Keimahmah in hehna leh thangpaihna lianpi tawh ka ban zan-in, a hat mahmah ka khut tawh note kong do ding hi.

Tedim Bible Revision 2017

⁵ Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Jeremiah 21:5 Iomraidhean Croise

Paikhiatna 6:6

Tua ahih ciangin Israel mite' tungah, ‘Keimah in Topa ka hi hi, Izipt mite’ na nasepna uh panin note kong paikhiatpih ding hi, amau’ sal hih na panin note kong khahkhia ding hi, a kizan khut leh thukhenna nasep lian tawh note kong tanh ding hi,

Paikhiatna 9:15

Bang hang hiam cih leh tu-in keimah in ka khut zanin natna tawh nang leh na mihingte hong vat gawpin, leitung panin note hong kibeisak thei hi;

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

Isaiah 5:25

Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Isaiah 9:12

A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 9:21

Manasseh in Efraim, Efraim in Manasseh ne-in tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kilamto lai hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 36:7

Amaute in Topa tungah thuum-in a vekpi-un a hoihlohna uh panin a kihei kha thei ding uh hi. Bang hang hiam cih leh hih mite tungah Topa in tun’sak dinga a gensa a hehna leh a thangpaihna lian mahmah hi,” a ci hi.

Jeremiah 37:10

Nangmah in na gal Khaldea galkap khempeuh zo lua kisa-in buk sunga milian teng bek na suakta sak kha phial ahi zongin, amaute hong tho teitei ding uh a, hih khuapi hong hal sak veve ding uh hi,’ ci-in va gen in,” a ci hi.

Jeremiah 6:12

A innte uh midang in luah ding a, a lote leh a zite uh a taan ding uh hi. Bang hang hiam cih leh Topa in kong cih-inah, hih mite’ lang khatah ka khut zan-in daan ka tat ding hi.

Kah la 2:3

A hehna tawh Israelte’ tha hatnate hong suksiatsak gawp a, gal in a hong sim ciangin Amah in eite a hong huh nuam kei hi. Meikuang tawh kibangin eite langah hong pang a, na khempeuh a susia hi.

Ezekiel 39:3

Tua lai mun panin na vei lam khutah na tawi na thal hong betkhiatsakin, na tak lam khutah na tawi na thaltangte zong kong betkhiatsak ding hi.

Ezekiel 5:8

Tua ahih manin Topa Pasian ahi keimah in nang kong langpan’na thu a hong gen ka hi hi. Minam dang khempeuhte muh-in nang tungah thu kong khen ding hi.

Thu-hilhkikna 4:23

Topa na Pasian un note tawh hong bawl thuciamna mangngilhin, Topa na Pasian un note’ hih dinga hong kham lim khatpeuh peuh tawh a kibang a kiseek milim na bawl khak loh nadingun kidawm un.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?