Jeremiah 21:2 - Tedim Bible

² “Kote adingin Topa’ kiangah thu hong dot sak in. Babilon kumpipa Nebukhadnezzar in hong sim hi. Topa in a nalamdangte khat kei tungah hong sem leh amah a kilehkik sak kha thei ding hi,” ci-in a dong sak hi.

Tedim Bible Revision 2017

² “Kote adingin Topaʼ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a nalamdangte khat keiʼ tungah hong zang leh amah kilehkiksak thei kha ding hi,” ci-in a dongsak hi.

Jeremiah 21:2 Iomraidhean Croise

Piancilna 10:10

Ama' kumpi gam kipatna in Babilon, Erek, Akkad leh Kalneh hi a, tuate khempeuh Shinar gamsungah om hi.

2 KUMPI NIHNATE 1:3

Ahih hangin Topa’ vantungmi in Tishbe mi Elijah kiangah, “Ding in, Samaria kumpipa’ kamtaite dawn dingin paito in la, amaute kiangah, ‘Ekron pasian, Baalzebub kiangah thu dong dingin na pai nadingin Israel sungah Pasian om nawn lo ahi hiam?’ ci in.

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh leh galkap ukte leh uliante a susia vantung mi khat sawl hi. Tua ahih ciangin ama gamah maizumna tawh ciahkik hi. Ama pasian’ inn sungah amah a tun’ ciangin ama tapate pawlkhat in namsau tawh amah satlum uh hi.

Paikhiatna 9:28

Topa' tungah thum in; bang hang hiam cih leh hih vanging leh gialpi kicing zo hi; note kong paisak ding a, note na khawl nawn kei ding uh hi,” ci hi.

Isaiah 48:2

Note tua bang hi napi-in, khuapi siangtho sunga a teeng mite hi a, Israel Pasian i muang hi. Ama min in vanglian Topa ahi hi, ci-in na kisathei zaw lai uh hi.

Jeremiah 15:11

Topa aw, amaute’ hoih nadingin nang tungah kong thuumsak kei a, gimna leh haksatna hun ciangin ka galte adingin nang tungah kong ngetsak kei leh tua haamsiatnate kei tungah hong tung ta hen!

Jeremiah 21:3

Tua ciangin Jeremiah in dawng kik a, “Zedekiah kiangah hih bangin na gen kik un.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Jeremiah 34:1

Babilon kumpipa Nebukhadnezzar in a galkapte khempeuh tawh, a ukna gam khempeuh leh a mi khempeuh tawh Jerusalem khua leh a kim-a khuapite a sim laitakin Topa in Jeremiah hopih a:

Jeremiah 37:17

kumpipa Zedekiah in a samsak hi. Kumipa in zong a inn sungah samin, “Topa’ hong thugenna kam khat beek a om hiam?” ci-in a dong sim hi. Jeremiah in zong, “Om mah hi,” a cih khit ciangin, “Babilon kumpipa’ khut sungah nang hong kipia ding hi,” a ci hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Jeremiah 37:7

“Topa ahi, Israel mite’ Pasian in kong cih-inah: Kei tung-a thu dong ding a, hong sawl Judah kumpipa kiangah hih bangin na va gen ding hi: ‘En in, nang hong huh ding a, hong pai Faro kumpipa’ galkapte a gam uhah ciahkik ding uh hi.

Ezekiel 7:26

Lungkhamna khat khit khat a ban banin na tuak ding uh a, thusia bekbek na za za ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Thukhente 20:27

Israel mite in Topa thu dong uh a, (bang hang hiam cih leh tua hunin Pasian' thuciamna singkuang tua lai-ah om a,

1 SAMUEL MASA 10:22

Tua ahih ciangin amaute in Topa kiangah dong kik uh a, “Tua mipa hih lai-ah hong pai hiam?” ci uh a, Topa in, “En un, amahmah van kawmlakah bu hi,” a ci hi.

1 SAMUEL MASA 28:15

Tua ciangin Samuel in Saul kiangah, “Bang hangin keimah sap tohna tawh hong nawngkaisak na hi hiam?” a ci hi. Saul in dawngin, “Nakpi takin ka lungkham hi; bang hang hiam cih leh Filistiate in kei hong do a, kei kiang panin Pasian kihei khia-in kamsangte tawh ahi a, mang tawh ahi zongin hong dawng nawn lo hi; tua ahih ciangin ka gamtat ding hong gen dingin nang kong sam hi,” a ci hi.

1 SAMUEL MASA 28:6

Saul in Topa thu a dot ciangin, Topa in mang tawh hita leh, Urim tawh hita leh, kamsangte tawh hita leh dawng lo hi.