Jeremiah 2:2 - Tedim Bible

² “Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Tedim Bible Revision 2017

² “Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.

Jeremiah 2:2 Iomraidhean Croise

Late 129:1

“Amaute in ka neu lai-a kipanin nakpi takin kei hong gim sak uh hi,”Israel in tu in ci ta hen—

Paikhiatna 14:31

Israelte in Izipt mite' tungah Topa’ bawl nasepna lianpi mu uh a, mite in Topa zahtak uh hi; amaute in Topa leh ama' nasem Moses um uh hi.

Paikhiatna 16:8

Moses in, “Ama' tungah na phunnate uh Topa in a zakna hangin, Topa in note' tungah nitakin nek ding sa, zingsangin kham tak-a na nek ding uh an hong piak ciangin—kote in a bang hi mawk ka hi uh hiam? Note’ phunnate in kote’ tung hi loin Topa’ tung ahi hi,” a ci hi.

Paunak 1:20

Ngai in! Kongzing lampi leh van kizuakna phualpi-ah pilna hong kiko hi.

Solomon la 3:11

Jerusalem nungakte aw, hong pai un la, Kumpi Solomon en dih ve un. A zi neih ni, a lungdam ni, a nu in amah a khuksak Kumpi lukhu hong khu hi.

Solomon la 3:6

Mirrah paknamtui leh saledi paknamtui kihel tawh a kibang, sumbuk-a paknamtui om khempeuh, a kihal khin a khu tawh a kibang, gamlak a, hong khu to henhan bang ahi hiam?

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Jeremiah 11:6

Tua ciangin Topa in kei kiangah, “Hih thuciamna thute ngai-a a sep nadingun Judah gam khuapite leh Jerusalem thute ngai-a a sep nadingun Judah gam khuapite leh Jerusalem khua kongzing lakah va tangko in.

Jeremiah 19:2

ni suahna lam kongpi gei, Ben-Hinnom Mualkuamah pai-in, tua lai-ah kong gen thute tangko in.

Jeremiah 2:1

Topa in kei hong hopih a,

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Jeremiah 3:4

Tu mahin kei nong sam a, ‘Ka pa aw, ka neu lai pek pan-a ka lawm na hi hi—

Jeremiah 7:2

Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Ezekiel 16:22

Hih bangin numei paktat nuntakna tawh a mindai huai-in na om lai takin na neu lai thu, tangguakin na om lai, sisan naisan lak-a na kitomtom lai thu na phawk kha kei hi.

Ezekiel 16:60

Ahi zongin na neu lai-a nang tawh i thuciamna lenkipin, a kimang tawntung ding thuciamna nang tawh ka bawl ding hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guak-a a om kimlai, ka puan tawh kong khuh a, na zumhuaina teng hong seelsakin, teen’pih dingin kam kong ciam hi. Kong kamciamna tangtung sakin nang in keima aa nong suak hi,’ Topa Pasian in ci hi.

Ezekiel 23:19

A paktatna uang semsem a, a nungak lai-in Izipt gamah a paktat mah bangin gamta niloh hi.

Ezekiel 23:3

Amaute Izipt-ah a om lai, a khangno lai takun, a nungakna lim uh bei-in numei paktat suak uh hi.

Ezekiel 23:8

A nungakna beisakin, Izipt gam-a a paktatna mah zom lailai hi. A nungak tunga kipanin mite in luppihin numei paktatte bangin bawlin a ut ut-un hih uh hi.

Hosea 11:1

Israel a neu lai-in ka it mahmah a, Izipt gam a nusiat-a kipanin ka tapa aw, ka ci hi.

Hosea 2:15

Tua lai panin a leenggui lote ka pia kik ding a, Lungkhamna Kuam pen lametna kongpi ka suaksak ding hi. Izipt panin a paikhiat a nungakno hun lai mah bangin ka thugennate hong ngai ding hi.

Hosea 2:17

Ama kam panin Baal pasian min ka pulaksak nawn kei ding a, a min kilo kha nawn lo ding hi.

Hosea 2:7

Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Hosea 9:10

Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Jonah 1:2

“Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.

Mattiu 11:15

Khua zak nading bil nei mi in za ta hen!”

Luka 12:13

Mihonpi lakah mi khat in, “Sia aw, ka u in ka pa’ gamh sum hong hop nadingin thu na pia in,” a cih leh,

Thu-hilhkikna 2:7

Bang hang hiam cih leh khut tawh na sepna khempeuh uhah Topa na Pasian un note thupha hong pia hi; hih a zai gamlakah na paina uh amah in hong thei hi; hih kum sawmli sung Topa na Pasian uh no tawh hong om hi; bangmah na kisam kei uh hi, ci-in gen in,’ hong ci hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Thu-hilhkikna 8:2

A thupiakte na zui uh hiam na zui kei uh hiam cih a theih nadingin note hong niamkhiatin na lungsim uhah bang om hiam cih a theih nadingin Topa na Pasian un gamlakah hih kum sawmli sung note hong paipihna lampi khempeuh na ciamteh ding uh hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

Mangmuhna 2:4

Ahih hangin nang tungah gen ding thu ka nei hi. Bang thu ahi hiam na cih leh, a masa bel a, na neih itna na paihkhiat thu ahi hi.