Jeremiah 10:3 - Tedim Bible

³ Hih mite’ ngeinate a kiman’na om lo hi. Gamlakah sing khat kiphuk a, khut siampa in a hei tawh milim-in a bawl hi.

Tedim Bible Revision 2017

³ Hih miteʼ ngeinate a kimanna om lo hi. Gamlak ah sing khat kiphuk a, khutsiam pa in a hei tawh milimin a bawl hi.

Jeremiah 10:3 Iomraidhean Croise

Late 115:4

Amaute’ milimte pen ngun leh kham hi a, mihingte’ khut tawh kibawl ahi hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Siampi Laibu 18:30

Tua ahih ciangin note ma-a a kizang hih a kihhuai ngeinate khatpeuh peuh na gamtat ngei loh nading uh leh tuate tawh nomau na kinitsak ngei loh nadingun kong thuhilh zui un: keimah in Topa na Pasian uh ka hi hi,” a ci hi.

Mattiu 6:7

Thu na nget uh ciangin, Gentailte bangin kam nainawng ci tuan kei un. Amau in kam tampi gen leeng ngai deuh ding a sa uh hi.

Sawltak 19:26

Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

1 PETER MASA 1:18

Na pute na pate’ ngeina uh ahi mawkna gamtatna pan kham leh ngun-a kipan a kisia thei sum tawh note hong tankhia ahi kei hi;