Jeremiah 1:3 - Tedim Bible

³ Josiah’ tapa Jehoiakim kumpi a suah ciangin Topa in Jeremiah a hopih leuleu hi. Tua khit ciangin Josiah’ tapa Zedekiah kumpi a suah zawh kum sawm leh kum khat a phak kum, a kha ngana, Jerusalem khua mite sal tang dinga a kipuak khiat dong tam veipi a hopihpih hi.

Tedim Bible Revision 2017

³ Josiahʼ tapa Jehoiakim kumpi a suah ciangin Topa in Jeremiah a hopih leuleu hi. Tua khit ciangin Josiahʼ tapa Zedekiah kumpi a suah zawh kum sawm le kum khat a phak kum, a kha ngana, Jerusalem khua mite saltang dingin a kipuakkhiat dong tam veipi a ho pihpih hi.

Jeremiah 1:3 Iomraidhean Croise

2 KUMPI NIHNATE 23:34

Tua ciangin Faro Neko in a pa Josiah’ tangin Josiah’ tapa Eliakim kumpi-in koih a, ama min Jehoiakim ci-in kheelsak hi. Ahih hangin amah in Jehoahaz paikhiatpih hi; amah Izipt tung a, tua lai-ah si hi.

2 KUMPI NIHNATE 24:17

Tua ciangin Babilon kumpipa in Jehoiakhin’ tangin ama pa’ sanggampa Mattaniah kumpi-in koih a, a min Zedekiah-in kheelsak hi.

1 KHANG TANGTHU MASATE 3:15

Josiah’ tapate in: A tacil Johanan, a nihna Jehoiakim, a thumna Zedekiah, a lina Shallum ahi uh hi.

Jeremiah 1:4

Topa in kei hong hopih-a,

Jeremiah 34:1

Babilon kumpipa Nebukhadnezzar in a galkapte khempeuh tawh, a ukna gam khempeuh leh a mi khempeuh tawh Jerusalem khua leh a kim-a khuapite a sim laitakin Topa in Jeremiah hopih a:

Jeremiah 35:1

Josiah’ tapa Jehoiakim, Judah gamah kumpi ahih laitakin Topa in Jeremiah hopih a:

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Jeremiah 39:2

Zedekiah a maan’ zawh kum sawm leh kum khat, a kha lina, a ni kua ni-in, kumpipa’ khuapi kulh a phulet uh hi.

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.