Jeremiah 1:2 - Tedim Bible

² Amon’ tapa Josiah, Judah gamah kumpi a suah zawh kum sawm leh kum thum a cin’ kum-in Topa in Jeremiah a hopih hi.

Tedim Bible Revision 2017

² Amonʼ tapa Josiah, Judah gamah kumpi a suah zawh kum sawm le kum thum a cin kumin ‘Topa in Jeremiah a hopih hi.

Jeremiah 1:2 Iomraidhean Croise

1 KUMPI MASATE 13:2

Tua ciangin Topa’ thu tawh biakna tau langpangin mipa kiko a, “Biakna tau, biakna tau aw, Topa in hih bangin ci hi; ‘En in, Josiah min nei tapa khat David innkuan sungah suak ding hi; amah in nangma tungah paknamtui a hal mual tunga biakna a pia siampite nangma tungah biakna-in pia ding a, nangma tungah mihingte’ guhte kihal ding hi,’ ci hi,” a ci hi.

1 KUMPI MASATE 13:20

Amaute sabuai-ah a tut lai takun amah a ciahpih kik kamsangpa tungah Topa’ thu hong tung hi;

2 KUMPI NIHNATE 21:18

Tua ciangin Manasseh a pate tawh ihmu a, Uzza’ huan sung, ama inn huan sungah kivui hi; tua ciangin ama tangin a tapa Amon in uk hi.

2 KUMPI NIHNATE 21:24

Ahih hangin tua gam mite in kumpi Amon a sawmsimte khempeuh that uh a, tua ciangin tua gam mite in ama tangin a tapa Josiah kumpi-in koih uh hi.

2 KUMPI NIHNATE 22:3

Kumpi Josiah’ kum sawm-le-giatna kumin, kumpipa in a lai-atpa Meshullam’ tapa Azaliah, a tapa Shafan, Topa’ innah sawl a,

Jeremiah 1:11

Tua ciangin Topa in kei tungah, “Jeremiah aw, bang na mu hiam?” ci-in hong dong hi. Kei zong, “Ngak a kici almond singhiang khat ka mu hi,” ci-in ka dawng hi.

Jeremiah 1:4

Topa in kei hong hopih-a,

Jeremiah 25:3

“Amon’ tapa Josiah, Judah gamah kumpi a suah zawh a kum sawm leh thum kum pan tu ciang dong kum sawmnih leh kumthum sung Topa in kei hong hopih a, ke’n zong note kiangah kong gen sawn tawntung hangin note in na ngai kei uh hi.

Jeremiah 28:12

Kamsangpa Hananiah in Jeremiah kamsangpa’ ngawng panin a hakkol lakhia a, a kuaihtan sak zawh tawlkhat khit ciangin Topa in Jeremiah hopih a,

Jeremiah 3:6

Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Hosea 1:1

Judah kumpite Uzziah, Jotham, Ahaz, Hezekiah, leh Israel kumpi Joash’ tapa Jeroboam’ hun lai-in Be-eri’ tapa Hosea tungah Topa in thu na gen hi.

Joel 1:1

Pethuel’ tapa Joel tungah hih bangin Topa’ thu hong tung hi.

Jonah 1:1

Topa in Amittai’ tapa Jonah tungah,

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Zefaniah 1:1

Amon’ tapa Josiah in Judah gamah kumpi ahih lai takin, Topa in Zefaniah’ tungah hih thu pia hi. Zefaniah’ pa Kushi hi a, Kushi’ pa Gedaliah hi a, Gedaliah’ pa Amariah hi a, Amariah’ pa in Kumpi Hezekiah ahi hi.