Isaiah 1:3 - Tedim Bible

³ Bawng in amah a neipa thei a, la in ama topa’ an piakna mun thei buang hi; ahih hangin Israel in thei lo hi, keima mite in thei-thei lo hi,”

Tedim Bible Revision 2017

³ Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Isaiah 1:3 Iomraidhean Croise

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Paunak 28:5

Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Paunak 6:6

Thadahpa aw, miksite kiangah pai in la, amau’ nuntakna zia va en in.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

Jeremiah 10:14

Mi khempeuh hai-in pilna nei lo hi khin uh a, kham sekte khempeuh in a milimte uh a maizum lawh uh hi. Bang hang hiam cih leh a milimte uh zuau hi lel a, naak thei lo uh hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 35:16

Rakhab’ tapa Jonadab’ tate in a pa uh’ thupiakna a man’ uh hangin hih mite in ka thu hong mang lo uh hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Jeremiah 8:7

Van-ah tui vapite nangawn in lal hun ding a thei uh a, sumkuangte, phialphiahte leh gun vapite in zong a hun ciangin hong tung zel uh hi. Ahih hangin ka mite in Topa ngeina kipte a thei kei uh hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.

Daniel 9:11

Israelte khempeuh in na gensa thute leh na thukhamte khempeuh a palsat khin zo uh hi. Na tungah khialhna ka hong bawl manun, na nasem Moses thukham sunga kigelh bangin kote tungah samsiatna leh thukhenna a hong tung hi.

Hosea 2:8

Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

2 PETER NIHNA 3:5

Tang lai-in Pasian’ thupiakna in van ahi zongin, tui sung pan pusuakin, tui tawh a kip lei ahi zongin,