Hosea 9:3 - Tedim Bible

³ Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Tedim Bible Revision 2017

³ Bang hang hiam cih leh Topaʼ gam sungah na omsuak kei ding uh a, Egypt gamah paikikin, Assiria gam sungah an siang lo na ne ding uh hi.

Hosea 9:3 Iomraidhean Croise

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Jeremiah 2:7

Singgah leh a hoih nate na nek theih nadingun an tamna munah kong tun’pih hi. Ahih hangin no nong pai uh ciangin ka gam na nin sak uh a, ka neihsa gam a kihhuai mun na suak sak tazen uh hi.

Kah la 5:6

Ka nuntak theih nadingun Assiria leh Izipt-te kiangah an ngen dingin ka pai uh hi.

Ezekiel 4:13

Tua ciangin Topa in, “Israel mite, gamdangah ka thehthang hun ciangin thukham in nek dingin a kham an ninte tu-a mah bangin ne ding uh hi,” hong ci hi.

Daniel 1:8

Daniel in kumpi inn sunga an leh leengahzu tawh a pumpi a thanghuai sak loh nadingin a lungsim a khentat hi. Amah in innsung mang lianpen Ashpenaz kiangah tua bang an a kipiak loh nadingin a ngen zaw hi.

Hosea 11:11

Izipt gam panin vasa bangin lawp takin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tun’pih kik ding hi, Topa in ci hi.

Hosea 11:5

Tua hi napi, kei lamah amaute hong kihei nuam lo uh ahih manin, Izipt gamah pai kikin, Assiria mite, amau’ kumpi hi ding hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Siampi Laibu 18:28

tua bang hi kei leh leitang in note ma-a a om minamte a luakkhiat bangin note in amah na nitsak uh ciangin note hong luakhia ding hi.

Siampi Laibu 20:22

“Tua ahih ciangin note in ka thukham khempeuh leh ka biakna ngeina kipte khempeuh zui-in, tuate na sem ding uh hi; tua in note na ten’ nading uh kong paipih nading leitang in note hong luakkhiat loh nading ahi hi.

Siampi Laibu 25:23

Leitang in keima’ aa ahih manin neih suak dingin leitang kizuak lo ding hi; bang hang hiam cih leh note in kei tawh a omkhawm mikhual leh peemtate na hi uh hi.

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Sawltak 10:14

Piter in, “Topa aw, hi thei lo ding hi. Bang hang hiam na cih leh, a siangtho lo na leh a nin na ke’n khatvei beek ka ne ngei kei hi,” a ci hi.

Thu-hilhkikna 28:63

Topa in note tungah a hoih bawlna leh note tampi phasakna ah nuam a sak mah bangin, note tungah siatna tun’sakna leh note suksiatna ah zong Topa in nuamsa ding hi; a luah dingin na lutna uh leitang panin note hong kilakhia ding hi.

Thu-hilhkikna 28:68

Note na zinkik ngei nawn kei ding uh hi, ci-a kong ciam khualzinna, Izipt gamah teembaw tawh Topa in note hong paipih kik ding hi; tua lai-ah sila numei leh sila pasal dingin na galte uh tungah na kizuak ding uh a, ahih hangin kuamah in note hong lei lo ding hi,” a ci hi.

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Joshua 23:15

Ahih hangin, amah in note hong thupiak ahi Topa na Pasian uh thuciamna palsatin, note in pasian dangte’ na semin tuate na biak uh leh, Topa na Pasian un note tawh kisai-a a ciam nahoih khempeuh a tun’ mah bangin Topa na Pasian un note hong piaksa hih leitang hoih panin amah in note hong suksiat khit matengin Topa in note tungah siatna khempeuh hong tungsak ding hi. Tua ciangin note tungah Topa’ hehna hong so ding a, note tungah a hong piak leitang hoih panin note manlang takin na sia ding uh hi,” a ci hi.