Biblia Todo Logo
Bìoball air-loidhne

- Sanasan -




Hosea 8:1 - Tedim Bible

1 Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Faic an caibideil Dèan lethbhreac

Tedim Bible Revision 2017

1 Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Faic an caibideil Dèan lethbhreac




Hosea 8:1
34 Iomraidhean Croise  

Ahih hangin a ulianpa in amaute kiangah, “Ka topa in hih thute na topa uh leh note tungah a gen dingin hong sawlin, amau’ ek mah ne-in amau’ zun mah dawn dingin note tawh a siakhawm ding kulh tunga tu mite kiangah gen lo dingin hong sawl ahi hiam?” a ci hi.


Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!


Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.


“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.


Tua pen, a pu a pate uh, Izipt gam pana ka lakkhiat nadingin a khut uh tawh ka kaih khiat huna ka bawl uh thu thuciamna tawh kibang lo ding hi. Tua lai-in amaute’ pasal ka hih hangin ka thuciamna a hong palsat uh hi, Topa in kong ci hi.


Mite in kei’ mai-ah thuciamna a bawl uh ciangin bawngno phel nih suahin a kikalah a pai uh hi. Judah gam kumpi uliante, kumpi innsung mangte, siampite-a kipan bawngno phel nih kikal a, a pai khinsa gam sunga ka mite khempeuh in, ka thuciamna hong mang loin, thuciamna sunga om thute a zuih kei uh leh amaute tua bawngno ka bangsak ding hi.


En un, i galpa meii bangin hong pai a, a sakol leengte pingpei tawh kibangin, a sakolte muvanlaite sangin manlang zaw hi. Gimna i thuak ding hi, bang hang hiam cih leh gallel ding i hi ta hi.


Judah gamah va gen un la, Jerusalem khua-ah va tangko un. Gam sung khempeuh-ah peengkul mut-in awng un la, va gen un. ‘Hong kikhawm un la, khuapi muan’ huaite sungah va lut ni!’ va ci un.


“Topa in kong cih-inah: En in, muvanlai leeng bangin manlang takin gam khat hong leeng ding a, Moab gam sim dingin a kha hong zal ding hi.


En un, galte in muvanlai bangin manlang takin hong leengin Bozrah khua tungah a sim dingin a kha hong zal ding uh hi. Tua ni ciangin Edom galkapte in nupi nausuak dingte bangin a lau ding uh hi,” a ci hi.


“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.


Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.


Tua ahih ciangin Ezekiel aw, hih mite tungah thukhenna thu gen in,” hong ci hi.


“Topa Pasian in hih bangin ci hi. Nang in i kamciamna leh i thuciamna don lo na hih manin nangma gamtatna bangin nang tungah kong gamta hi.


Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtaak kung khat a dawn va kuaitan a,


“Amaute in gal peengkul tum uh a, a vekpi-in kiging uh hi. Ahi zongin mi khempeuh tungah ka hehna tung kim ding ahih manin galsim dingin kuamah kuan khia lo ding hi.


Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.


Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!


Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.


Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.


Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.


Zion mual tungah peengkul tumin, antan’ nading thu pia un la, biak kikhopna khat nei un.


Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?


Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.


Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.


A sakolte uh, kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin, a galte len’lak uh hi.


galdo nading peengkul a kitum ni, leh kulh nei khuapite leh a tausangte a kisimna-a galkapte’ kiko ni, hi ding hi.


Mei in na taamtaak kungte a kat theih nadingin, na kongpite hong in, Lebanon aw,


Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.


Sapul omna peuhah musanete hong kikhawm ding uh hi.”


A nunung peengkul a hong mut ciangin tomkha sung mitphiat kikalin eite khempeuh i kikheel ding hi. Tua peengkul a mut ding a, misite in muat thei nawn lo dingin hong thokik ding uh hi. Eite khempeuh in zong i kikheel khin ding hi.


Lean sinn:

Sanasan


Sanasan