Hosea 7:1 - Tedim Bible

¹ Israelte a ci uh damsak kik ning, ci-in ka ngaihsut ciangin, amau’ mawhna leh amau’ siatna bekbek kimu thei hi. Amaute in mi khemin, inn luhin na gu uh a, konglak nangawn-ah mi’ na sut uh hi.

Tedim Bible Revision 2017

¹ Israel-te a ci uh damsakkik ning, ci-in ka ngaihsut ciangin, amauʼ mawhna le amauʼ siatna bekbek kimu thei hi. Amaute in mi khemin, inn luhin na gu uh a, kong lak nangawn ah miʼ na sut uh hi.

Hosea 7:1 Iomraidhean Croise

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Isaiah 59:12

Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:14

Thutang kihawlkhia a, thuman in hong naih thei lo hi. Mi honpite kikhopna munah thuman kizang lo a, thutang tum thei lo hi.

Jeremiah 51:9

Babilon khua i damsak nop hangin, a dam thei kei hi. Nusia ta un la, i gam ciat zuanin ciah ni. Ama’ tunga thukhenna in vantung dong ban a, van dawn dong a phato hi.

Ezekiel 16:46

Na u nu in leilu lam-a om Samaria leh a khuaneute ahi hi. Na nau nu in leitaw lam-a om Sodom leh a khuaneute ahi hi.

Ezekiel 23:4

A u nu’ min in Oholah hi a, Samaria khuapi tawh kibang a cih nopna hi. A nau nu’ min in Oholibah hi a, Jerusalem khuapi tawh kibang a cih nopna ahi hi. Hih numei nihte ka ten’pih a, a nih-un kei tawh ta nei uh hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A sian’suah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siang kik ngei kei ding hi.

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 11:12

Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.

Hosea 4:17

Israel mite, milim biak uuk lua uh a, cih theih hi lo hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Hosea 6:4

Israel leh Judah aw, note bang hong cih thei nawn ding ka hi hiam? Note’ hong itna in zingsang meiilum bangin theng pak a, a mangthang pak daitui tawh kibang lel hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 8:5

Samaria khuapi mite in a biak kham bawngno ka deih kei hi. Tua a bia mite tungah ka heh hi. Amaute in mihoih a suah nading uh bang tan vei ngak lai ding uh ahi hiam?

Hosea 8:9

A hon lak panin a taikhia a, a thumang lo gam la bangin Assiria mite tung panin huhna ngen dingin va tai uh hi. A huh ding uh a deihna-in midangte tungah amau pumpi va zuak uh hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Amos 3:9

Assiria gam mun muanhuaina sunga om mite, leh Izipt gam mun muanhuainna sunga om mite tungah thu zasak un la, “Samaria-ah hong kikhawm un la, tua lai-a buaina lianpite, kinen’niamnate hong mu in,” ci un.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Luka 19:42

“Nang in tu lai taka nopsakna tawh kipawl nate thei lecin nang ading a pha ding hi. Tu-in ahih leh, na mittang pan a kiseel hi.