Hosea 5:3 - Tedim Bible

³ Israelte’ gamtatna khempeuh ka thei khin a, kei tungah bangmah hong iim thei lo ding uh hi. Kei tungah hong citak lo uh a, amaute, misia suak khin uh hi, a ci hi.

Tedim Bible Revision 2017

³ Israel-teʼ gamtatna khempeuh ka thei khin a, kei tungah bangmah hong im thei lo ding uh hi. Kei tungah hong citak lo uh a, amaute, misia a suak khinta uh hi, a ci hi.

Hosea 5:3 Iomraidhean Croise

Isaiah 7:16

Bang hang hiam cih leh naupang in a hoih lote nial-in a hoihte a teel theih hun ma-in na kihtak uh kumpi nihte’ gam kinusiacip ding hi.

Isaiah 7:17

Efraim mite pen Judah mite kiang pan a, a paikhiat-a kipan nidanga piang ngei lo thu ahi, Assiria kumpipa nang leh na mite leh na pate’ innah Topa in hong tungsak ding hi,” ci hi.

Isaiah 7:5

Bang hang hiam cih leh Siria kumpi-a kipan Remaliah’ tapa leh Efraim mite in nang hong sawm uh a,

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Hosea 13:5

Sehnel gam keuna sungah note a hong kempa in keimah ka hi hi.

Hosea 5:11

Israel in zong gimna thuakin a cimawh hita hi; bang hang hiam cih leh piak ding bang mah a nei lote kiangah huh ngen dingin pai hamtang hi.

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Hosea 5:9

Daan thuak ni hun hong tun’ ciangin Israel mite in siatna thuak ding uh hi. A tung taktak ding thu, Israel mite’ lakah a gen ka hi hi.

Hosea 6:10

Israel mite’ lakah siatna lianpi khat ka mu hi. Milim biakna tawh amaute kininsak uh hi.

Hosea 6:4

Israel leh Judah aw, note bang hong cih thei nawn ding ka hi hiam? Note’ hong itna in zingsang meiilum bangin theng pak a, a mangthang pak daitui tawh kibang lel hi.

Hosea 8:11

Israel mite in mawh maisak nading mun biakna tau tam bawl semsem leh mawh nading mun tam a behlap semsem suak zawsop uh hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Amos 5:12

Bang hang hiam cih leh na khialhna tampite uh, leh na mawhna tampite uh ka thei khin a, thuman mite gimsakin, sumgolh na la uh a, thukhenna zumah mi zawngte’ thu a manin na khen kei uh hi.

Thu-hilhkikna 33:17

A tacil bawngtal in minliatna nei a, a kite in gamsial kite ahi hi; amah in tuate tawh mite nawt ding a, lei mongdong ah amaute khempeuh phul ding hi; Efraim tul sawmte in tua bang hi a, Manasseh tul tampite in zong tua bang mah ahi hi,” a ci hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Mangmuhna 3:15

“Na gamtatnate ahi zongin, nang in vot lah vot lo, sa lah sa lo na hih thu ahi zongin ka thei hi. Vot hi taleh, ahih kei leh, sa hi taleh ka deih hi.