Hosea 4:1 - Tedim Bible

¹ Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Tedim Bible Revision 2017

¹ Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Hosea 4:1 Iomraidhean Croise

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Late 81:9

Note lakah pasian dang om lo ding a, Pasian dang khat’ mai-ah na kun kei ding uh hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Isaiah 28:14

Tua ahih ciangin Jerusalem khua sungah hih mite a uk, midangte a kote aw, Topa’ thu za un!

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Isaiah 34:8

Topa in Zion a hotkhiat ding, phulak ni khat nei hi. A galte a thuksak ding hun khat nei hi.

Isaiah 5:3

Tu-in, Jerusalem khua-a teengte leh Judah mite aw, kei leh ka leenggui lo kikal-ah thu nong khen nading uh kong thuum hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Isaiah 59:8

Note’ Omna peuhah Kuamah lungmuang thei lo a, note’ sepna khempeuh ah thuman khat beek om lo hi. Na lungsim uh lampi kawite bang a, hong zui khate in thunuam mu ngei lo uh hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 11:7

Bang hang hiam cih leh na pute na pate uh tungah Izipt gam pana ka lakkhiat pan-a kipan tuni ciang dong ka thu hong mang un, ci-in tam veipi, nakpi takin ka hilh ngitnget hi.

Jeremiah 19:3

Nangmah in, ‘Topa’ kammal ngai un, Judah kumpite leh Jerusalem khua mite aw, a vanglian Topa, Israel mite’ Pasian in hong cih-inah: En un, hih munah kong tun’sak ding siatna lian lua ahih manin a za mi khempeuhte’ bil sungah ging den ding hi.

Jeremiah 2:4

Jokob’ suan leh Israel innkuan khempeuhte aw, Topa’ kammal ngai dih un.

Jeremiah 2:9

“Tua ahih manin Topa in kong cih-inah, note kong mawhsak lai ding a, na tate-uh’ tate zong ka mawhsak ding hi.

Jeremiah 25:31

A awging in leitung mong dongah kithawn ding hi, bang hang hiam cih leh gamte’ lang khatah Topa pang hi. Amah in mi khempeuh thu sit ding a, mi gilote namsau tawh a thatlum ding hi, Topa in ci hi.

Jeremiah 34:4

Judah kumpipa Zedekiah aw, Topa’ kammal ngai lai dih in. Topa in nangmah tawh kisai-a hong gen-inah, nang in namsau tawh thahna na thuak kei ding hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Jeremiah 4:28

Tua hangin leitung kap ding a, vantung a mial ding hi. Bang hang hiam cih leh ka gensa, ka khensat sa hi-a, ka kisikkik loh bangin ka lungsim zong ka khelkik kei ding hi,” a ci hi.

Jeremiah 5:4

Tua ciangin keimah in, “Hih mite mihai hi a, a hehpih huai uh hi: Topa’ lampi thei lo uh a, amau’ Pasian’ deihna a thei kei uh hi.

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 7:28

Tua ciangin nangmah in amaute’ kiangah, ‘Hih gam in, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, genin zong a nei nawn kei uh hi,’ na ci ding hi.

Jeremiah 9:20

Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Jeremiah 9:7

Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Ezekiel 16:35

“Tua ahih ciangin numei paktat aw, Topa’ thu ngai in.

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.

Hosea 12:3

Jakob in a nu’ sung nangawn pek panin a sanggampa sawk pah a, a khangham ciangin zong Pasian tawh kilai hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

Joel 1:2

Ngai un, no a khangham zawdiakte aw, na bil uh ngat un, Judah gam mi khempeuh aw, Note’ khan’ sung ahi a, na pu na pate uh khan’ sung ahi zongin, hih bang thu piang ngei peuhmah ahi hiam?

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Amos 7:16

Tu-in Topa’ thugen ngai in. Israel mite lang khatah ka thugen ding nong kho a, Isaak’ suan leh khakte lang khatah ka thugen ding nong kham hi.

Micah 6:2

No mual liante leh a kip tawntung leitung bulpite aw, Topa a kinialna thu ngai un. Topa in ama mite tawh thu nei a, Israel tawh thu kisel ding hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

Mangmuhna 2:11

Kha Siangtho in pawlpite a thupiakna bil nei mi in ngai ta hen. A zo mi nihvei sihna in a su kha kei ding hi.”

Mangmuhna 2:29

Kha Siangtho in pawlpite a thupiakna bil nei mi in ngai ta hen.’”